“అర్బన్ ఏరియా ట్రాఫిక్ వాలంటరింగ్”

విజ‌య‌వాడ, నేటి పత్రిక ప్రజావార్త :
కేంద్ర యువజన వ్యవహారాలు మరియు క్రీడా మంత్రిత్వ శాఖ నెహ్రూ యువ కేంద్రం విజయవాడ మరియు ఎన్టీఆర్ కమిషన్ రేట్ ట్రాఫిక్ డిపార్ట్మెంట్ మరియు ట్రాన్స్పోర్ట్ డిపార్ట్మెంట్ ఎన్ఎస్ఎస్ యూనిట్ సంయుక్త ఆధ్వర్యంలో భారత రోడ్డు రవాణా మరియు రహదారుల మంత్రిత్వ శాఖ మంత్రిత్వ శాఖ ఆదేశాల మేరకు “అర్బన్ ఏరియా ట్రాఫిక్ వాలంటరింగ్” కార్యక్రమం ప్రారంభాన్ని స్థానిక విఆర్ సిద్ధార్థ ఇంజనీరింగ్ కాలేజ్ డిమాండ్ టు బి యూనివర్సిటీ ఆవరణలో విద్యార్థులతో కలిసి ట్రాఫిక్ నిబంధనలపై ఓరియంటేషన్ కార్యక్రమం నిర్వహించడం జరిగింది

ఈ కార్యక్రమంలో ముఖ్య అతిథిగా పాల్గొన్న ఎం కృష్ణమూర్తి నాయుడు డిప్యూటీ కమిషనర్ ఆఫ్ పోలీస్ ట్రాఫిక్ డివిజన్ వారు మాట్లాడుతూ మనసు శరీరం ఒకే విధంగా పనిచేయాలని వాహనదారులు ఆలోచనతో అతివేగంతో వాహనాలు నడపడం వల్ల ప్రమాదాలకు గురవుతున్నారని వీటికి అడ్డుగట్ట వేయడానికి ప్రభుత్వం ఎప్పటికప్పుడు చర్యలు తీసుకుంటుందని హెల్మెట్ సీట్ బెల్ట్ వంటి భద్రతా నియమాలను పాటించి ట్రిపుల్ రైడింగ్ డ్రంక్ అండ్ డ్రైవ్ వంటి వాటిని నిర్మూలిస్తున్నామని ఆయన ఈ సందర్భంగా విద్యార్థులతో తెలిపారు.

ఈ కార్యక్రమంలో ఈ కార్యక్రమంలో జిల్లా యువ అధికారి సుంకర రాము మాట్లాడుతూ నెహ్రూ యువ కేంద్రం అనేది దేశంలోనే అతిపెద్ద యూత్ నెట్వర్క్ ను కలిగి ఉందని అందువలన భారత రవాణా మరియు రహదారుల శాఖ అర్బన్ ఏరియా ట్రాఫిక్ వాలంటరీ కార్యక్రమంను అప్పగించడం జరిగిందని ఆయన తెలిపారు ఈరోజు జరిగిన ఓరియంటేషన్ కార్యక్రమం ద్వారా వీరందరికీ అవగాహన కల్పించి వీరితో ట్రాఫిక్ సిగ్నల్స్ వద్ద వాహనదారులకు అవగాహన కల్పించడం మరియు హెల్మెట్ వినియోగం వంటి వాటిపై సదస్సు నిర్వహించడం జరుగుతుందని ఆయన అన్నారు.

అనంతరం ఈ కార్యక్రమంలో పాల్గొన్న రాబొయె రోజుల్లో ట్రాఫిక్ కార్యక్రమాల్లో పాల్గొనే విద్యార్థులందరికీ ఒరియంటేషన్ ద్వారా అవగాహన కల్పించి సుమారు 100 మందికి పైగా హాజరైన విద్యార్థులకు టీ షర్ట్ మరియు క్యాప్ అందించడం జరిగింది.

ఈ కార్యక్రమంలో ట్రాన్స్పోర్ట్ డిపార్ట్మెంట్ మోటర్ వెహికల్ ఇన్స్పెక్టర్ రామకృష్ణ గౌడ్ మరియు ఉదయ శివప్రసాద్ రోడ్ సేఫ్టీ లీగల్ ఏజెన్సీ ఎస్.కె త్రిమూర్తులు కాలేజీ ప్రిన్సిపాల్ ఏవి రత్న ప్రసాద్ మరియు పెనమలూరు ట్రాఫిక్ సిఐ వెంకటనారాయణ ఎన్ఎస్ఎస్ యూనిట్ అధికారి కొల్ల నరేంద్ర తదితరులు ఈ కార్యక్రమంలో పాల్గొన్నారు.