కేజీబీవీ విద్యార్థుల విద్యా ప్రమాణాల పెంపు, భద్రతపై దృష్టిసారించాలి

-కేజీబీవీ సెక్రటరీ డి. దేవానంద రెడ్డి

విజయవాడ, నేటి పత్రిక ప్రజావార్త :
రాష్ట్రవ్యాప్తంగా ఉన్న కేజీబీవీల్లో విద్యార్థులకు నాణ్యమైన విద్యతో పాటు అత్యుత్తమ వసతులు, పౌష్టికాహారం, ఆరోగ్య భద్రత కల్పించడమే తమ ప్రధాన లక్ష్యమని కేజీబీవీ సెక్రటరీ డి. దేవానంద రెడ్డి అన్నారు. సోమవారం లయోలా కాలేజీ ప్రాంగణం ఎస్-జె ఎక్స్లెన్స్ సెంటరులో కేజీబీవీ జీసీడీవోలు, ప్రిన్సిపాళ్లతో ‘కరదీపిక రూపకల్పన’పై వర్క్ షాప్ నిర్వహించారు. ఈ సందర్భంగా ఆయన మాట్లాడుతూ, ఈ ఏడాది ‘విజయ పథం’ కార్యక్రమం ద్వారా మంచి ఉత్తీర్ణత సాధించామని వచ్చే ఏడాది మరింత పురోభివృద్ధికి కృషి చేయాలని అన్నారు. కేజీబీవీల్లో చదువుతున్న విద్యార్థులను సొంత పిల్లల్లా భావించి వారి చదువు, ఆరోగ్యం పట్ల ప్రత్యేక శ్రద్ధ చూపాలని కోరారు.