Prajavartha Online Telugu News
విజయవాడ, నేటి పత్రిక ప్రజావార్త:
అత్యవసర సమయాల్లో ప్రాణాలను కాపాడేందుకు ప్రథమ చికిత్సపై ప్రతి ఒక్కరూ అవగాహన కలిగి ఉండాలని డాక్టర్ బి.సి. రాయ్ ప్రథమ చికిత్స ప్రదాతల సంఘం పిలుపునిస్తోంది. ఈ లక్ష్యంతో దసరా ఉత్సవాల సందర్భంగా భక్తులకు, ప్రజలకు ప్రథమ చికిత్సపై అవగాహన కల్పించడంతో పాటు శిక్షణ కార్యక్రమాలు నిర్వహించేందుకు ముందుకు వచ్చింది. సంఘం జాతీయ అధ్యక్షుడు డాక్టర్ సి.ఎల్. వెంకటరావు, రాష్ట్ర అధ్యక్షుడు షేక్ ఇమామ్ సాహెబ్ ఆధ్వర్యంలో ఈ కార్యక్రమాలు కొనసాగుతున్నాయి. ఎన్టీఆర్ జిల్లా అధ్యక్షుడు డాక్టర్ మకాల సత్యనారాయణ ప్రజలకు సేవలందించడంలో కీలక పాత్ర పోషిస్తున్నారు. ఆన్‌లైన్, ఆఫ్‌లైన్ విధానాల్లో ప్రథమ చికిత్సపై అవగాహన, శిక్షణ అందించేందుకు ఏర్పాట్లు చేస్తున్నారు. ప్రథమ చికిత్సపై శిక్షణ పొందిన స్వచ్ఛంద సేవకులకు సేవా ధ్రువపత్రాలు కూడా అందజేస్తున్నట్లు పోస్టర్‌లో పేర్కొన్నారు. ఆసక్తి గలవారు 9000347369, 8985372009 నంబర్లలో సంప్రదించవచ్చు. ప్రజల్లో ప్రథమ చికిత్సపై అవగాహన పెంపొందించి, అత్యవసర పరిస్థితుల్లో సకాలంలో సహాయం అందించడమే ఈ కార్యక్రమాల ప్రధాన ఉద్దేశం.
