ప్రజల్లో చైతన్యం కలిగించే కార్యక్రమాలు చేపట్టాలి…

రాజమహేంద్రవరం, నేటి పత్రిక ప్రజావార్త :
నవోదయం 2.0 పురోగతి మరియు ఆల్కహాల్ వల్ల కలిగే అనర్థములపై ప్రజల్లో చైతన్యం కలిగించే కార్యక్రమాలు చేపట్టాలని, అందుకు అనుగుణంగా సమన్వయ శాఖల ఆధ్వర్యంలో కార్యక్రమాలు నిర్వహించాలని జిల్లా జాయింట్ కలెక్టర్ ఎస్ చిన్న రాముడు పేర్కొన్నారు. కలెక్టరేట్ లోని జాయింట్ కలెక్టర్ ఛాంబర్ లో ఆల్కహాల్ అవగాహన & ప్రతిస్పందనాత్మక విద్య కోసం ఎక్సైజ్ శాఖ ఆధ్వర్యంలో చేపట్టిన జిల్లా స్థాయి కమిటీ సమావేశం జేసి అధ్యక్షతన నిర్వహించారు.

తూర్పు గోదావరి జిల్లాలో సామాజిక ప్రభావంపై నిర్వహించిన అవగాహన ప్రచారాల గురించి జిల్లా స్థాయి కేర్ కమిటీలు ప్రతి పక్షం రోజులకు ఒకసారి రాష్ట్ర స్థాయి కేర్ కమిటీకి నివేదిస్తాయి మరియు జిల్లా స్థాయి సంరక్షణ కమిటీలు వ్యసనం నివారణ కేంద్రాలలో అవసరమైన ఏవైనా మెరుగుదలలను కూడా ప్రతిపాదిస్తాయి. ఈ సందర్భంగా జిల్లా జాయింట్ కలెక్టర్ ఎస్ చిన్న రాముడు మాట్లాడుతూ, కేర్ కమిటీ మీటింగ్ లో భాగంగా నవోదయం అవగాహన ప్రోగ్రాంలు, వాటి వివరాలపై ప్రతి పక్షం రోజులకు ఒకసారి పనితీరును విశ్లేషణ చెయ్యాల్సి ఉంటుందన్నారు. గత సమావేశంలో సూచించిన అంశాల అమలు తీరుపై నిర్దేశించిన అంచనా వేయడానికి క్రింది ప్రధాన పనితీరు సూచికలు జారీ చేయడం జరిగిందన్నారు.

ఇటీవల కాలంలో యుక్త వయసులో ఉన్న పిల్లలు, స్కూల్, కాలేజి పిల్లలు మత్తు మందులు వినియోగం చెయ్యడం ఆందోళన కలిగిస్తున్నాయని జాయింట్ కలెక్టర్ ఎస్ చిన్న రాముడు పేర్కొన్నారు. వీటిని నియంత్రించే క్రమంలో మూలలను గుర్తించి తగిన చర్యలు తీసుకోవాలన్నారు. సమన్వయ శాఖల అధికారులు ఎప్పటి కప్పుడు పర్యవేక్షణ చెయ్యడం తప్పనిసరి అని పేర్కొన్నారు. ఇందులో భాగంగా నిర్వహించిన నవోదయం అవగాహన కార్యకలాపాల సంఖ్య, నవోదయం అవగాహన కార్యకలాపాల్లో పాల్గొన్న వ్యక్తుల సంఖ్య, సందర్శించిన వ్యసనం విముక్తి కేంద్రంల సంఖ్య. , డీ-అడిక్షన్ కేంద్రాలలో చేరిన వ్యక్తుల సంఖ్య , వ్యసనం విముక్తి కేంద్రాల నుండి విజయవంతంగా పునరావాసం పొందిన వ్యక్తుల సంఖ్య హేతుబద్ధత కలిగి విశ్లేషణ చెయ్యాల్సి ఉంటుందన్నారు. అప్పుడే మెరుగైన ఫలితాలు సాధించడం సాధ్యం అవుతుందని తెలిపారు. ప్రతి నెలలో రెండవ శనివారం నాలుగో శనివారం నవోదయం అవగాహన కార్యక్రమాలు చేపడుతున్నట్లు జిల్లా ఎక్సైజ్ ప్రోహబిషన్ అధికారి సీహెచ్ లావణ్య తెలియ చేశారు.రాష్ట్ర స్థాయి కేర్ కమిటీ అధ్వర్యంలో అన్ని జిల్లా స్థాయి కేర్ కమిటీల పనితీరును పర్యవేక్షిస్తున్నట్లు మరియు మద్యపానానికి వ్యతిరేకంగా అవగాహన కల్పించడం ద్వారా ఆశించిన ఫలితాన్ని సాధించే దిశగా అడుగులు వేయడం జరుగుతోంది అని పేర్కొన్నారు.

ఈ సమావేశంలో అదనపు ఎస్పీ డి.సుబ్బరాజు, జిల్లా ప్రొహిబిషన్ అండ్ ఎక్సైజ్ ఆఫీసర్ సీహెచ్ లావణ్య , జిల్లా విద్యా అధికారి కె వాసుదేవరావు, జిల్లా సాంఘిక సంక్షేమ అధికారి ఎమ్ ఎస్ శోభారాణి,  రెడ్ క్రాస్ కమిటీ సభ్యులుడాక్టర్ GNVABS మహాలక్ష్మి, ఆర్ట్స్ కళాశాల ప్రిన్సిపల్ కె. రామచంద్రరావు, పరిశోధన శాస్త్రవేత్త, ఐటిసి- ఎబిడి పరిశోధన విభాగం డాక్టర్, ఎం, ఎన్.వి.ఎ. ఉమా మహేష్ , వైద్య ఆరోగ్య తదితరులు పాల్గొన్నారు.