దానాల్లో కెల్లా అన్నదానం గొప్పది

–మాచవరంలో అన్నదానాన్ని ప్రారంభించిన ఎమ్మెల్యే గద్దె రామమోహన్‌

విజయవాడ, నేటి పత్రిక ప్రజావార్త :
శ్రీరామ నవమి సందర్బంగా తూర్పు నియోజకవర్గ పరిధిలోని మాచవరంలో శ్రీరామ నవమి కమిటీ ఆధ్వర్యంలో బుధవారం అన్నదాన కార్యక్రమం జరిగింది. తూర్పు నియోజకవర్గ ఎమ్మెల్యే గద్దె రామమోహన్‌ హజరై అన్నదాన కార్యక్రమాన్ని ప్రారంభించారు. ఈ సందర్భంగా జరిగిన ప్రత్యేక పూజల్లో ఎమ్మెల్యే గద్దె రామమోహన్‌ పాల్గొన్నారు. సుమారు పది వేల మంది భక్తులు ఈ అన్నదానంలో పాల్గొన్నారు.
ఈ సందర్భంగా ఎమ్మెల్యే గద్దె రామమోహన్‌ మాట్లాడుతూ గత 15 సంవత్సరాలుగా సీతారాముల కళ్యాణాన్ని వైభవంగా నిర్వహిస్తున్న కమిటీ సభ్యులను ఆయన అభినందించారు. దానాల్లో కెల్లా అన్నదానం చాలా గొప్పదని చెప్పారు. సీతారామ కళ్యాణంతో పాటుగా అన్నదానాన్ని నిర్వహించడం సంతోషంగా ఉందన్నారు. ఆ శ్రీరాములు చల్లని చూపు ప్రజలందరిపైనా ఉండాలని ఎమ్మెల్యే గద్దె రామమోహన్‌ అన్నారు.
ఈ కార్యక్రమంలో చెరుకూరి కృష్ణకుమార్, కంచర్ల రాము, వల్లభనేని సతీష్, సుగసాని కృష్ణప్రసాద్, కొనకళ్ళ ప్రసాద్, సుధాకర్, అనుమోలు పూర్ణచంద్రరావు, వెల్లంకి సుధాకర్, మండవ గణేష్, శివన్నారాయణ, చలసాని అనిల్‌తో పాటుగా కమిటీ సభ్యులు, స్థానిక పెద్దలు పాల్గొన్నారు.