పాదయాత్రలో వినూత్న దృశ్యం: మంత్రి చేతుల మీదుగా మగ్గం నేశారు…

-మగ్గం నేసిన మంత్రి
-చేనేతకు మద్దతిచ్చిన మంత్రి

ధర్మవరం, నేటి పత్రిక ప్రజావార్త :
రాష్ట్ర ఆరోగ్య శాఖ మంత్రి సత్యకుమార్ యాదవ్ తన నియోజకవర్గమైన ధర్మవరం పట్టణంలో జరుగుతున్న అభివృద్ధి పాదయాత్రలో భాగంగా ఈ రోజు 20వ వార్డును సందర్శించారు. పాదయాత్ర సమయంలో అక్కడి స్థానికులతో కలిసిమెలిసి ప్రజాసమస్యలను అడిగి తెలుసుకుంటూ, వారికి భరోసానిచ్చారు. ఈ సందర్భంగా మంత్రి ధర్మవరం చేనేత సాంప్రదాయానికి తగిన గౌరవం తెలియజేస్తూ ఒక చేనేత మగ్గం వద్ద కూర్చొని స్వయంగా మగ్గం నేసారు. ఈ వినూత్న చర్య స్థానిక చేనేత కార్మికులకు ప్రేరణనిచ్చేలా, వారి వృత్తి పట్ల ప్రభుత్వ ప్రాధాన్యతను చాటేలా నిలిచింది. చేనేతల దుస్థితిని మేము అర్థం చేసుకుంటున్నాం. ధర్మవరం చేనేతను తిరిగి ప్రోత్సహించేందుకు మేము కట్టుబడి ఉన్నాం, అని మంత్రి అన్నారు.