Prajavartha Online Telugu News
విజయవాడ, నేటి పత్రిక ప్రజావార్త :
ఆంధ్రప్రదేశ్ ప్రభుత్వం, పర్యావరణ, అటవీ, శాస్త్ర సాంకేతిక శాఖ ఆధ్వర్యంలోని ఆంధ్రప్రదేశ్ స్టేట్ కౌన్సిల్ ఆఫ్ సైన్స్ అండ్ టెక్నాలజీ (APCOST) పరిధిలోని ఏపీకాస్ట్ – ప్రాంతీయ సైన్స్ సెంటర్, విజయవాడలో జాతీయ సాంకేతిక దినోత్సవం 2026 వేడుకలు ఘనంగా నిర్వహించబడ్డాయి.
ఈ కార్యక్రమంలో ఆంధ్రప్రదేశ్ స్టేట్ కౌన్సిల్ ఆఫ్ సైన్స్ అండ్ టెక్నాలజీ (APCOST) సభ్య కార్యదర్శి డా. కె. శరత్ కుమార్, ఇతర ప్రముఖులు, శాస్త్రవేత్తలు, అధ్యాపకులు మరియు విద్యార్థులు పాల్గొన్నారు.
జాతీయ సాంకేతిక దినోత్సవం సందర్భంగా విద్యార్థుల కోసం వివిధ పోటీలు, పోస్టర్ ప్రదర్శనలు, శాస్త్ర సాంకేతిక అవగాహన కార్యక్రమాలు మరియు పరస్పర చర్చా కార్యక్రమాలు నిర్వహించగా, వివిధ విద్యాసంస్థల విద్యార్థులు ఉత్సాహంగా పాల్గొన్నారు.
కార్యక్రమం సందర్భంగా డా. జి. లక్ష్మీశ ప్రాంతీయ సైన్స్ సెంటర్లోని ప్రదర్శనలను సందర్శించి విద్యార్థులతో ముచ్చటించారు. విద్యార్థుల వినూత్న ఆలోచనలు, శాస్త్రీయ దృక్పథం మరియు సృజనాత్మకతను అభినందించారు. సమాజ అభివృద్ధి మరియు దేశ ప్రగతికి శాస్త్ర సాంకేతిక రంగాల్లో విద్యార్థులు చురుకుగా పాల్గొనాలని ప్రోత్సహించారు.
జాతీయ సాంకేతిక దినోత్సవం సందర్భంగా నిర్వహించిన వివిధ పోటీల్లో విజేతలుగా నిలిచిన విద్యార్థులకు ముఖ్య అతిథి చేతుల మీదుగా బహుమతులు అందజేశారు.
సభను ఉద్దేశించి మాట్లాడిన డా. జి. లక్ష్మీశ ఆధునిక సమాజంలో సాంకేతికత యొక్క ప్రాధాన్యతను వివరించారు. దేశ నిర్మాణం, సామాజిక అభివృద్ధి మరియు నవీన ఆవిష్కరణల కోసం విద్యార్థులు శాస్త్ర సాంకేతికతను వినియోగించాలని ప్రేరణనిచ్చారు. సాంకేతికంగా అభివృద్ధి చెందిన భారతదేశ నిర్మాణంలో యువత కీలక పాత్ర పోషించాలని పేర్కొన్నారు.
ఈ కార్యక్రమాన్ని విజయవంతం చేసిన విద్యార్థులు, ఉపాధ్యాయులు, నిర్వాహకులు మరియు పాల్గొన్న ప్రతిఒక్కరికీ కృతజ్ఞతలు తెలియజేస్తూ కార్యక్రమం ముగిసింది.
