35వ సచివాలయము నందలి సిబ్బంది పనితీరు పరిశీలన…

-నగరపాలక సంస్థ కమిషనర్ స్వప్నిల్ దినకర్ పుండ్కర్

విజయవాడ, నేటి పత్రిక ప్రజావార్త :
సర్కిల్ -3 పరిధిలో 2వ డివిజన్ మాచవరం మసీదు వీది నందలి 35వ సచివాలయమును గురువారం నగరపాలక సంస్థ కమిషనర్ స్వప్నిల్ దినకర్ పుండ్కర్ ఐ.ఏ.ఎస్‌, ఆకస్మికంగా సందర్శించిరి. జగనన్న గృహ లబ్దిదారుల విషయమై అడ్మిన్, వెల్ఫేర్ సెక్రెటరీలు చేపట్టిన చర్యలపై సమీక్ష నిర్వహించారు. అన్ని వసతులతో నివాస యోగ్యముగా తయారు చేసిన లే అవుట్ లలోని లబ్దిదారులు వెంటనే గృహ నిర్మాణం చేపట్టు విధంగా తగు అవగాహనా కల్పించవలెనని స్యయం సహాయక సంఘాలలో ఉన్న వారికీ తీర్మానం చేసి బ్యాంకుల ద్వారా బుణలు మంజూరు చేయుంచవలెనని, సంఘములలో లేనివారిని సంఘములుగా ఏర్పాటు చేయవలెనని లే అవుట్ పత్యేక అధికారులతో సమన్వయం చేసుకొనుచూ త్వరితగతిన లబ్దిదారులు గృహములు నిర్మించుకోనునట్లు చూడవలెనని తెలియజేశారు.