ఓటు హక్కును వినియోగించుకున్న వసంత కృష్ణ ప్రసాదు

మైలవరం, నేటి పత్రిక ప్రజావార్త :
ఎమ్మెల్యే కృష్ణ ప్రసాదు, సతీమణి శీరిష దంపతులు సోమవారం తమ స్వగ్రామమైన ఐతవరం గ్రామంలో తమ ఓటు హక్కు వినియోగించుకున్నారు. ఈ సందర్బంగా గ్రామస్తులను పేరు పేరునా అప్యాయంగా పలకరిస్తూ ప్రశాంత వాతావరణం లో అందరం కలిసి ఎన్నికలు జరిగేలా సహకరించుకోవాలని సూచించారు. ఎమ్మెల్యే కృష్ణ ప్రసాదు తమ ఓటు హక్కు వినియోగించుకోవడం ఉదయం 7 గంటలకే పోలింగ్ కేంద్రం వద్దకు రాగా ఈవియం లో సాంకేతిక సమస్య ఏర్పడటం తో దాదాపు 50 నిమషాల పాటు అక్కడే నీరిక్షించి ఓటు హక్కు వినియోగించుకున్నారు ఈ సందర్బంగా గ్రామస్తులను పేరు పేరునా పలకరిస్తూ తాను చిన్నప్పుడు చదువుకున్న పాఠశాలలో తన క్లాస్మెట్ లతో కొద్ది సేపు ముచ్చటించారు. అనంతరం ఓటు హక్కును వినియోగించుకుని మైలవరం నియోజకవర్గం లో జరుగుతున్న ఓటింగ్ ప్రచార సరళిని పరిశీలించడం కోసం వెళ్ళారు.