మూడు నగరాల్లో ఆస్టర్ రమేష్ ఇంటర్నేషనల్ ఇన్‌స్టిట్యూట్ ఆఫ్ ఆంకాలజీ

-విజయవాడ, గుంటూరు, ఒంగోలులో సమగ్ర క్యాన్సర్ వైద్య సేవల కోసం క్లస్టర్ స్థాయి నెట్‌వర్క్

విజయవాడ, నేటి పత్రిక ప్రజావార్త :
38 ఏళ్ల వైద్య ప్రస్థానంలో మరో కీలక మైలురాయిగా ఆస్టర్ రమేష్ హాస్పిటల్స్ ఆధ్వర్యంలో ఆస్టర్ రమేష్ ఇంటర్నేషనల్ ఇన్‌స్టిట్యూట్ ఆఫ్ ఆంకాలజీ ప్రారంభం కానుంది. విజయవాడ, గుంటూరు, ఒంగోలు కేంద్రాలను అనుసంధానిస్తూ సమగ్ర క్యాన్సర్ వైద్య సేవలను అందించే క్లస్టర్ స్థాయి నెట్‌వర్క్‌గా దీనిని అభివృద్ధి చేయనున్నారు.

38 ఏళ్ల ప్రస్థానానికి కొత్త అధ్యాయం :
క్యాన్సర్‌ను ముందస్తుగా గుర్తించడం, నిర్ధారణ, మెడికల్, సర్జికల్, రేడియేషన్ ఆంకాలజీ, అధునాతన పాథాలజీ, రేడియాలజీ, న్యూక్లియర్ మెడిసిన్, సపోర్టివ్ కేర్, రిహాబిలిటేషన్, పాలియేటివ్ కేర్ వంటి సేవలను సమన్వయంతో ఒకే వైద్య వ్యవస్థలో అందించడమే ఈ సంస్థ లక్ష్యం. ఈ కార్యక్రమం ఆస్టర్ రమేష్ హాస్పిటల్స్ వ్యవస్థాపకులు, మేనేజింగ్ డైరెక్టర్ డాక్టర్ పోతినేని రమేష్ బాబు దీర్ఘకాలిక దృష్టికి ప్రతిరూపం.

గుండె వైద్యం – విశిష్ట నైపుణ్యం:
క్యాన్సర్‌తో పాటు గుండె సంబంధిత సమస్యలు లేదా ఇతర అనారోగ్య సమస్యలు ఉన్న రోగులకు సమగ్ర వైద్యం అందించడం ఈ సంస్థకు ఉన్న ప్రత్యేకమైన విశిష్టతలలో ఒకటి. దాదాపు నాలుగు దశాబ్దాలుగా గుండె వైద్యంలో ఆస్టర్ రమేష్ హాస్పిటల్స్‌కు ఉన్న నైపుణ్యంతో పాటు, ఇతర మల్టీడిసిప్లినరీ విభాగాల నిపుణులను సమన్వయం చేయడం ద్వారా సంక్లిష్ట కేసులకు సమగ్ర వైద్య సహాయం అందించనున్నారు. “క్యాన్సర్ రోగులకు చికిత్స సమయంలో గుండె, నరాలు, ఊపిరితిత్తులు, మూత్రపిండాలు వంటి ఇతర అవయవాలకు సంబంధించిన సమస్యలు కూడా ఎదురుకావచ్చు. మా విశిష్టతమైన మల్టీడిసిప్లినరీ వ్యవస్థ ద్వారా ఇలాంటి సంక్లిష్ట పరిస్థితుల్లో సమన్వయంతో వైద్యం అందించాలన్నదే మా లక్ష్యం,” అని డాక్టర్.పోతినేని రమేష్ బాబు తెలిపారు.

మూడు నగరాల్లో దశలవారీ విస్తరణ :
– గుంటూరు: వచ్చే మూడు నెలల్లో సమగ్ర క్యాన్సర్ వైద్య సేవలు ప్రారంభం.
– విజయవాడ, ఒంగోలు: వచ్చే ఒక సంవత్సరంలో సమగ్ర ఆంకాలజీ సేవల విస్తరణ.
దీంతో ఈ ప్రాంతంలోని రోగులకు తమకు సమీపంలో ప్రత్యేక క్యాన్సర్ సేవలు అందుబాటులోకి రావడంతో పాటు, ఆస్టర్ రమేష్ హాస్పిటల్స్ నెట్‌వర్క్‌లోని నిపుణుల సేవలను పొందే అవకాశం ఉంటుంది.

మల్టీడిసిప్లినరీ క్యాన్సర్ కేర్ :
మెడికల్, సర్జికల్, రేడియేషన్ ఆంకాలజిస్టులతో పాటు పాథాలజీ, రేడియాలజీ, న్యూక్లియర్ మెడిసిన్, అనస్థీషియా, క్రిటికల్ కేర్, న్యూట్రిషన్, పెయిన్ మేనేజ్‌మెంట్, రిహాబిలిటేషన్, పాలియేటివ్ కేర్ నిపుణులు సమన్వయంతో పనిచేసే విధంగా ఈ వ్యవస్థను అభివృద్ధి చేయనున్నారు.

డాక్టర్ సోమశేఖర్ మార్గదర్శకత్వం
ఆస్టర్ గ్రూప్ గ్లోబల్ హెడ్ ఆఫ్ ఆంకాలజీ, సీనియర్ సర్జికల్ ఆంకాలజిస్ట్ డాక్టర్ సోమశేఖర్ మార్గదర్శకత్వంలో ఈ కార్యక్రమం అభివృద్ధి చెందుతోంది. “ఒక ఆలోచన కలగా ప్రారంభమవుతుంది. దానిని వాస్తవంగా మార్చడానికి నిబద్ధత కలిగిన బృందం అవసరం. డాక్టర్ సోమశేఖర్ గారి నైపుణ్యం, నాయకత్వం, క్యాన్సర్ వైద్యం పట్ల ఉన్న అంకితభావం ఈ కార్యక్రమానికి ఎంతో కీలకం,” అని డాక్టర్ రమేష్ బాబు అన్నారు.

సాంకేతికతతో సమగ్ర వైద్యం
ఆస్టర్ రమేష్ హాస్పిటల్స్‌లో ఇప్పటికే ఉన్న అధునాతన వైద్య సాంకేతికత, ఎలక్ట్రానిక్ మెడికల్ రికార్డ్స్, ఆధునిక ఇమేజింగ్, Tele-ICU వంటి సౌకర్యాల అనుభవాన్ని ఆంకాలజీ సేవల్లోనూ వినియోగించనున్నారు. “మా దృష్టిలో సాంకేతికత అంటే అత్యాధునిక పరికరాలను కలిగి ఉండటం మాత్రమే కాదు. వైద్యాన్ని మరింత సురక్షితంగా, ఖచ్చితంగా, అందుబాటులోకి మరియు రోగికి సౌకర్యవంతంగా చేయడమే దాని ఉద్దేశం,” అని డాక్టర్ రమేష్ బాబు తెలిపారు.

చికిత్సకు మించి రోగికి తోడుగా..
క్యాన్సర్ చికిత్సతో పాటు న్యూట్రిషన్, నొప్పి నిర్వహణ, రిహాబిలిటేషన్, సపోర్టివ్ మరియు పాలియేటివ్ కేర్, ఫాలోఅప్ వంటి సేవలకు కూడా ప్రాధాన్యం ఇవ్వనున్నారు. “ఆస్టర్ రమేష్ ఇంటర్నేషనల్ ఇన్‌స్టిట్యూట్ ఆఫ్ ఆంకాలజీ మా 38 ఏళ్ల ప్రస్థానంలో ఒక కొత్త అధ్యాయం. ఈ ప్రాంతంలోని క్యాన్సర్ రోగులకు సమగ్ర వైద్యం, నిపుణుల సమన్వయం, ఆధునిక చికిత్స మరియు మానవీయమైన సేవలను మరింత చేరువ చేయడమే మా లక్ష్యం,” అని డాక్టర్ రమేష్ బాబు తెలిపారు.

ఈ మీడియా సమావేశంలో ఆస్టర్ రమేష్ హాస్పిటల్స్ ఛైర్మన్ ఎం.ఎస్.రామమోహన రావు, ఆస్టర్ ఆంకాలజీ గ్లోబల్ హెడ్ డాక్టర్ సోమశేఖర్, క్లినికల్ ఆపరేషన్స్ హెడ్ ప్రముఖ సర్జికల్ ఆంకాలజిస్ట్ డాక్టర్ ఫణిరాజ్ కుమార్, క్యాన్సర్ యూనిట్ చీఫ్ ఆపరేటింగ్ ఆఫీసర్ డాక్టర్ వై.కార్తిక్ చౌదరి, డిప్యూటీ మేనేజింగ్ డైరెక్టర్ డాక్టర్ మమత, యూనిట్ హెడ్స్ డాక్టర్ నితిన్, డాక్టర్ సుమ, డాక్టర్.సుదర్శన్ పాల్గొన్నారు.