రాజమహేంద్రవరం కేంద్రంగా రతన్ టాటా ఇన్నోవేషన్ హబ్ (ఆర్టీఐహెచ్)

-ఇన్నోవేషన్ హబ్ ఏర్పాటు ద్వారా పారిశ్రామిక వేత్తలు గుర్తింపు
-ఆవిష్కరణలు ఆలోచనలు ఫలవంతం అయ్యే విధంగా చర్యలు తీసుకోవాలి
-కలెక్టరేట్ లో తొలి ఆర్టీఐహెచ్ సభ్యులతో సమావేశం
-కలెక్టర్ పి ప్రశాంతి

రాజమహేంద్రవరం, నేటి పత్రిక ప్రజావార్త :
ప్రతి ఒక్క ఇంటి నుంచి ఒక పారిశ్రామిక వేత్త రూపుదిద్దుకోవాలనేది రాష్ట్ర ముఖ్యమంత్రి నారా చంద్రబాబు నాయుడు ఆలోచన, అందుకు అనుగుణంగా తూర్పు గోదావరి జిల్లాలో రతన్ టాటా ఇన్నోవేషన్ హబ్ ఫలవంతం అయ్యే విధంగా చర్యలు తీసుకోవాలని జిల్లా కలెక్టర్ పి ప్రశాంతి పేర్కొన్నారు.

గురువారం సాయంత్రం జిల్లా కలెక్టరేట్ సమావేశ మందిరంలో “రతన్ టాటా ఇన్నోవేషన్ హబ్ అండ్ స్పోక్స్ విధానం కార్యాచరణ లోనికి తీసుకొని రావడం కోసం జాయింట్ కలెక్టర్ ఎస్ చిన్న రాముడు, గ్రీన్ కోర్, ఓ ఎన్ జీ సీ, గెయిల్, ఇతర ఇన్నోవేటివ్ ఏజెన్సీస్, ఎన్ ఐ టిఎ, జేఎన్టియూ ఎక్స్పర్ట్ టీమ్స్, పారిశ్రామిక ప్రోత్సాహక కమిటి, ఇతర సమన్వయ శాఖల జిల్లా అధికారులతో సమావేశం నిర్వహించారు. ఈ సందర్భంగా జిల్లా కలెక్టర్ పి ప్రశాంతి మాట్లాడుతూ, రతన్ టాటా ఇన్నోవేషన్ హబ్ ఫలవంతం అయ్యే విధంగా చర్యలు తీసుకోవడం ” కార్యాచరణ లక్ష్యంగా” గుర్తించిన వ్యక్తులకు పరిజ్ఞానాన్ని అందించే క్రమంలో, ఆలోచనల నుండి నూతన ఆవిష్కరణలు చేపట్టల్సిన అవసరం ఎంతైనా ఉందన్నారు.

ఆంధ్ర ప్రదేశ్ లో ఆవిష్కరణ మరియు వ్యవస్థాపకతలో మార్గదర్శకులను అనుసరించి, పారిశ్రామిక ప్రగతి, తద్వారా ఒక శక్తివంతమైన స్టార్ట్-అప్ పర్యావరణ వ్యవస్థను నిర్మించడానికి అడుగులు వేయడం జరుగుతోందన్నారు. రాష్ట్రంలో విశాఖపట్నం, రాజమండ్రి, ఎన్టీఆర్, తిరుపతి, అనంతపురం జిల్లాలలో రతన్ టాటా ఇన్నోవేషన్ హబ్ ఏర్పాటు చేయనున్నట్లు తెలిపారు. ఇందులో భాగంగా ఆర్ ఎమ్ సి కమిషనర్ ఆధ్వర్యంలో రెండు ఎకరాల స్థలం గుర్తించనున్నట్లు కలెక్టర్ తెలిపారు. ఆర్టీఐహెచ్ కమిటీ లో “గ్రీన్ కో ” నేతృత్వంలో వ్యవస్థీకరణ ప్రక్రియ పని చెయ్యడం జరుగుతుందని కలెక్టర్ వెల్లడించారు. యువతను, ఆసక్తి ఉన్న రంగాల్లోని వ్యక్తులకు సరైన దిశా నిర్దేశం చేయడం, వారికి తగిన నాలెడ్జి అందించాలని కోరారు. బోర్డ్ కమిటీ గవర్నింగ్ వ్యవస్థ కు గ్రీన్ కో ముఖ్య కార్యనిర్వహణ అధికారి/ ప్రమోటర్ గా వ్యవహరిస్తారని , సహా ఎగ్జిక్యూటివ్ విధానంలో సహా ప్రమోటర్ గా ఓ ఎన్ జీ సీ, గెయిల్, అవంతి తదితరులు, ఎక్స్పర్ట్ టీమ్ సభ్యులుగా ఎన్ ఐ టి (జె ఎన్ టి యూ) , జిల్లా పరిశ్రమల ప్రోత్సాహక కమిటీ, వ్యవహరిస్తారని తెలిపారు. జాతీయ మరియు ప్రపంచ ఉత్తమ పద్ధతులను ఉపయోగిస్తూ స్థానికం గా ఉన్న అవకాశాలు . దాని ప్రగతిశీల దృక్పథంతో, వ్యవస్థాపకత మరియు ఆవిష్కరణలను ప్రోత్సహించడం ఈ కార్యక్రమం యొక్క ముఖ్య ఉద్దేశ్యం అన్నారు. అందుకు సంబంధించి జిల్లాలో ఎన్నో అవకాశాలు ఉన్నాయని తెలిపారు.

వైద్యం, ఎడ్యుకేషన్, పెట్టుబడులు ఇతర అవసరాల కోసం డబ్బులు వెచ్చించడం లో చూపే శ్రద్ధ పారిశ్రామిక ప్రగతి విధానంలో అనుసరించడం పై ప్రజల్లో చైతన్యం లేదని కలెక్టర్ పి ప్రశాంతి పేర్కొన్నారు. ఆదిశలో ఔత్సాహిక పారిశ్రామిక రంగంలో అభివృద్ధి చెందేందుకు దిశా నిర్దేశనం, సవాళ్లను సమర్థవంతంగా ఎదుర్కునేందుకు మార్గదర్శకత్వం వ్యవస్థ ఉండాలని స్పష్టం చేశారు. సాంకేతిక పురోగతి, మార్కెట్ మార్పులు మరియు స్టార్ట్-అప్‌ల అభివృద్ధి చెందుతున్న అవసరాల నుండి ఉత్పన్నమయ్యే అవకాశాలను ఉపయోగించుకోవడానికి, రతన్ టాటా ఇన్నోవేషన్ హబ్ ఐదు ప్రాంతీయ స్పోక్స్‌లను స్థాపించే క్రమంలో రాజమహేంద్రవరం లో హబ్ ఏర్పాటు చేసే క్రమంలో తొలి సమావేశం ఏర్పాటు చేశామన్నారు. పరస్పర ఆలోచనలు పంచుకోవడం , సూచనలు సలహాలు స్వీకరించడం జరుగుతోందన్నారు.

ఇన్నోవేషన్ అండ్ స్టార్టప్ పాలసీ (4.0) 2024-2029 ప్రారంభించడం జరిగిందన్నారు. రతన్ టాటా హబ్ మరియు పాలసీలో ఊహించిన స్పోక్స్ కోసం రతన్ టాటా ఇన్నోవేషన్ హబ్ (RTIH) ఏర్పాటు కోసం కార్యాచరణ మార్గదర్శకాలను జిల్లాలో సమర్థవంతంగా అమలు చెయ్యడం పై సమిస్టి కృషి చేయాలని కలెక్టర్ తెలియజేశారు. ఇందుకు జిల్లా పరిపాలన యంత్రాంగం ద్వారా పూర్తి సహాయ సహకారాలు అందచేస్తామన్నారు.

“ప్రతి కుటుంబంలో ఒక పారిశ్రామికవేత్త” లక్ష్యాన్ని సాధించడానికి దీర్ఘకాల దృష్టితో రూపొందించబడ్డాయని , అత్యాధునిక సమాచార సాంకేతికతలు మరియు ప్రారంభ మరియు ఆవిష్కరణ సంస్కృతిని సక్రమంగా ప్రభావితం చేస్తాయన్న ఆశాభావాన్ని కలక్టర్ వ్యక్తం చేశారు. జిల్లా పరిధిలో ఫుడ్, ఆక్వా , అగ్రికల్చర్, అగ్రి వ్యర్థాలు, పామ్ ఆయిల్, కోకో , పిప్పర్, పూలు , మొక్కల ఆధారిత యూనిట్స్, సేవా రంగం, జీడిపప్పు పరిశ్రమ , తదితర ఎన్నో అవకాశాలు ఉన్నాయని తెలిపారు. వాటిని సఫలీకృతం అయ్యే విధంగా నూతన పారిశ్రామిక ఆవిష్కరణలు చేపట్టల్సి ఉందన్నారు. ఒకరి ఆలోచనలు ఒకరికొకరు పంచుకోవడం జరగాలన్నారు.

ఈ సమావేశంలో జిల్లా జాయింట్ కలెక్టర్ ఎస్ చిన్న రాముడు, జేఎన్టీయూ వైస్ ఛాన్స్లర్ ప్రొఫెసర్ ఏ గోపాలకృష్ణ, ఎన్ఐటి డైరెక్టర్ ప్రొఫెసర్ జి రవి కిరణ్ శాస్త్రి, గ్రీన్ కో సీఈవో పి రాంబాబు, ఐ టి ఈ అండ్ సి – ఓ ఎస్ డి ఆర్ . దీప్తి , గెయిల్ అధికారి డి. ప్రభాకర్, ఓ ఎన్ జీ సీ అధికారి ప్రతినిధి జి .శ్రీనివాస్ , జిల్లా పరిశ్రమల అధికారి శ్రీవనిధర్ రామన్ , డిఆర్డిఏ, మూర్తి ఆర్ఎంసి వి కొండల రావు, , మెప్మా శ్రీదేవి , పరిశ్రమల తదితర శాఖల అధికారులు పాల్గొన్నారు.