శ్రీ లంబోదర యూత్ ఆధ్వర్యంలో ఘనంగా వినాయక చవితి వేడుకలు

శ్రీ లంబోదర యూత్ ఆధ్వర్యంలో వినాయక చవితి మహోత్సవాన్ని సభ్యులందరి సహకారంతో ఘనంగా నిర్వహిస్తున్నారు. సోమవారం, ఎవిఎస్ రోడ్డులో, చలసాని గవర్నమెంట్ స్కూల్ దగ్గర ఏర్పాటుచేసిన వినాయక చవితి మహోత్సవాల ప్రాంగణంలో నిర్వాహకులు మీడియాతో మాట్లాడుతూ గత 9 సంవత్సరాలుగా నిరంతరాయంగా ఈ వేడుకలను జరుపుకుంటూ ఈ ఏడాది 10వ వార్షిక ఉత్సవాలను జరుపుకుంటున్నట్లు నిర్వాహకులు తెలిపారు. ఈ వేడుకలను కులమతాలకు అతీతంగా నిర్వహిస్తున్నామని దీనిలో భాగంగా ఈరోజు 2,000 మందికి అన్నదాన కార్యక్రమం నిర్వహించామన్నారు. గురువారం వేలంపాట నిర్వహించి అనంతరం భారీ ఊరేగింపుతో నిమజ్జన కార్యక్రమం నిర్వహించనున్నట్లు తెలిపారు. 30 రూపాయల లక్కీడ్రా కూపన్ ద్వారా 5 కేజీల లడ్డూ ప్రసాదాన్ని కూడా ఏర్పాటు చేశామన్నారు. ఈ కార్యక్రమంలో మొదటి నుంచి పాల్గొని సహకరించిన సభ్యులందరికీ పేరుపేరునా ధన్యవాదాలు తెలిపారు. ఈ కార్యక్రమంలో యూనియన్ సభ్యులు మరియు భక్తులు భారీ సంఖ్యలో పాల్గొన్నారు.