Prajavartha Online Telugu News
రాజమహేంద్రవరం, నేటి పత్రిక ప్రజావార్త :
పెరవలి, కొవ్వూరు పరిధిలో మల్టీపర్పస్ గోడౌన్ నిర్మాణం కోసం 50/25 సెంట్లు భూమిని గుర్తించాలని జిల్లా కలెక్టర్ కె మాధవి లత స్పష్టం చేశారు. గురువారం సాయంత్రం కలెక్టర్ ఛాంబర్ లో పెరవలి, కొవ్వూరు తహశీ్దార్లు తో సంబంధించిన ల్యాండ్ రికార్డుల ను పరిశీలించారు. ఈ సందర్భంగా, కలెక్టర్ కె. మాధవీలత మాట్లాడుతూ, మల్టీ పర్పస్ ఫెసిలిటీ కేంద్రాల (గోడౌన్) ఏర్పాటు కోసం జిల్లాలో వివిధ మండలాల్లో గోడౌన్ నిర్మాణాలకు ప్రతిపాదనలు సిద్ధం చేశామన్నారు. రైతులకు అనువు గా ఉండే స్థలం సేకరణ చెయ్యాలని, ఇంజినీరింగ్ అధికారులతో క్షేత్ర స్థాయి లో పర్యటించి, సేకరణ చేస్తున్న భూమి ని చూపించి ఆమోదం పొందాలని ఆదేశించారు. కొవ్వూరు మండల పరిధిలోని గుర్తించిన స్థల ల వివరాలు తహశీల్దార్ కలెక్టర్ కు వివరించారు. అనంతరం పెరవలి మండలం పరిధిలో కానూరు, కానూరు ఆగ్రహరం, కొత్తపల్లి ఆగ్రహరం, నడిపల్లి గ్రామాల్లో అనువైన ప్రభుత్వ భూమి లేదా దాతలు ద్వారా సేకరించ గలిగే భూమి కానీ గుర్తించాలని స్పష్టం చేశారు. కేంద్ర ప్రభుత్వ గ్రాంటు తో నిర్మించే ఈ మల్టీ పర్పస్ ఫెసిలిటీ కేంద్రాల (గోడౌన్) వలన భవిష్యత్తులో ఎంతో ప్రయోజనం కలుగుతుందన్నారు. పెరవలి మండలం నుంచి 48 గంటల్లో కనీసం 25 సెంట్ల భూమిని గుర్తించి, నివేదికతో రావాలన్నారు.
