వినాయక విగ్రహాల నిమజ్జన సమయంలో జాగ్రత్తలు పాటించాలి… : ప్రభుత్వ విప్ సామినేని ఉదయభాను

జగ్గయ్యపేట, నేటి పత్రిక ప్రజావార్త :
వినాయక విగ్రహాలు నిమజ్జన సమయంలో నిర్వాహకులు తగిన జాగ్రత్తలు పాటించాలని రాష్ట్ర ప్రభుత్వ విప్, జగ్గయ్యపేట శాసనసభ్యులు సామినేని ఉదయభాను సూచించారు. శనివారం జగ్గయ్యపేట పట్టణంలోని వారి స్వగృహంలో పోలీసు, రెవిన్యూ, మున్సిపల్ అధికారులతో సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ జగ్గయ్యపేట నియోజకవర్గంలో కరోనా నిబంధనలు పాటిస్తూ ప్రయివేటు స్థలాల్లో ఏర్పాటు చేసిన వినాయక విగ్రహాలను నవరాత్రి ఉత్సవాల అనంతరం ఎటువంటి అవాంఛనీయ ఘటనలు జరగకుండా నిమర్జనాలు చేసుకోవాలని కోరారు. జగ్గయ్యపేట మండలంలోని ముక్త్యాల, వేదాద్రి గ్రామాలలోని కృష్ణానదిలో తగిన జాగ్రత్తలు పాటిస్తూ వినాయక విగ్రహాలను నిమర్జనం చేసుకోవాలన్నారు. నిమజ్జన ప్రదేశాల్లో ప్రమాదాలు జరగకుండా గజ ఈతగాళ్లను ఏర్పాటు చేసుకొని ప్రమాదాలు జరగకుండా చూడాలని సంబంధిత అధికారులను ఆదేశించారు.