జగ్గయ్యపేట లో ఈద్గాలో రంజాన్ వేడుకలు

జగ్గయ్యపేట, నేటి పత్రిక ప్రజావార్త :
రంజాన్ పండుగను పురస్కరించుకొని జగ్గయ్యపేట పట్టణంలోని బలుసుపాడు రోడ్డులో గల ఈద్గాలో నిర్వహించిన ప్రత్యేక ప్రార్థనలు సామరస్యానికి, సౌహార్దానికి ప్రతీకగా నిలిచాయి. ఈ పవిత్ర సందర్భంలో మాజీ మంత్రి, కేడీసీసీ బ్యాంకు చైర్మన్ నెట్టెం రఘు రామ్ ముస్లిం సోదరులతో కలిసి ప్రార్థనలు చేసి, వారికి హృదయపూర్వక రంజాన్ శుభాకాంక్షలు తెలియజేశారు. ఈ కార్యక్రమంలో జగ్గయ్యపేట శాసనసభ్యులు శ్రీరామ్ రాజగోపాల్ తాతయ్య మున్సిపల్ చైర్మన్ రంగాపురం రాఘవేంద్ర కూడా పాల్గొని వేడుకకు మరింత గౌరవాన్ని చేకూర్చారు. అయితే ఈ వేడుకలో ప్రధాన ఆకర్షణగా నిలిచిన
ఈ సందర్భంగా నెట్టెం రఘు రామ్ మాట్లాడుతూ, రంజాన్ పండుగ మనిషికి కేవలం ఆచార పరమైనది మాత్రమే కాకుండా, ఆత్మపరిశీలనకు, ఆత్మశుద్ధికి దారితీసే పవిత్రమైన ఆధ్యాత్మిక ప్రయాణమని తెలిపారు. ఉపవాసం ద్వారా మనసును నియంత్రించడం, కష్టాలను సహించడం ద్వారా సహనం పెంపొందించడం, అవసరంలో ఉన్నవారికి సహాయం చేయడం ద్వారా దాతృత్వాన్ని అలవర్చుకోవడం వంటి విలువలు రంజాన్ సందేశంలో ప్రధానమని ఆయన పేర్కొన్నారు. ఈ సందర్భంగా తెలుగుదేశం పార్టీ జాతీయ అధ్యక్షుడు, ముఖ్యమంత్రి నారా చంద్రబాబు నాయుడు నాయకత్వంలో రాష్ట్రంలో సామరస్యాన్ని, అభివృద్ధిని మరింత బలోపేతం చేసే దిశగా ప్రతి ఒక్కరూ కృషి చేయాలని పిలుపునిచ్చారు. అన్ని వర్గాల ప్రజలను సమానంగా గౌరవిస్తూ ముందుకు తీసుకెళ్లే తెలుగుదేశం పార్టీ సిద్ధాంతాలు సమాజానికి మార్గదర్శకంగా నిలుస్తాయని తెలిపారు.అలాగే మతాల మధ్య ఐక్యత, పరస్పర గౌరవం, సోదరభావం వంటి సద్గుణాలు సమాజ నిర్మాణానికి బలమైన పునాది అని, ఈ పండుగ అందరికీ ఆ విలువలను గుర్తు చేస్తుందని అన్నారు. మనం అందరం కలిసికట్టుగా ముందుకు సాగితేనే సమాజం శాంతి, సుభిక్షాలతో అభివృద్ధి చెందుతుందని ఆయన స్పష్టం చేశారు.
ఈ కార్యక్రమంలో ముస్లిం పెద్దలు, మత గురువులు, యువత ఉత్సాహంగా పాల్గొని కార్యక్రమానికి ప్రత్యేక శోభను తీసుకువచ్చారు. ఈ సందర్భంగా 24 లక్షలుతో నిర్మించిన కాంపౌండ్ వాల్ ను శాసనసభ్యులను రాజగోపాల్, నెట్టెం శ్రీ రఘు రామ్ కలిసి ప్రారంభించారు