శ్రీ గురుదత్త సాయి సేవా సమితి ఆధ్వర్యంలో ఘనంగా గురు పౌర్ణమి…

-కార్యక్రమంలో పాల్గొన్న పశ్చిమ ఎమ్మెల్యే, నగర మేయర్

విజయవాడ, నేటి పత్రిక ప్రజావార్త :
శ్రీ గురుదత్త సాయి సేవా సమితి ఆధ్వర్యంలో చిట్టినగర్ సెంటర్లోని నగరాల శ్రీ మహాలక్ష్మి అమ్మవారి దేవస్థానం వెనుక వీధిలో బుధవారం గురు పౌర్ణమి సందర్భంగా సద్గురు సాయినాథ్ విగ్రహానికి ప్రత్యేక పూజలు నిర్వహించారు. ఈ కార్యక్రమానికి ప్రత్యేక అతిథులుగా పశ్చిమ ఎమ్మెల్యే వెల్లంపల్లి శ్రీనివాసరావు, నగర మేయర్ రాయన భాగ్యలక్ష్మి హాజరై స్వామివారి ప్రత్యేక పూజలలో పాల్గొన్నారు. పట్నాల అప్పన్న, చీర్ల రామస్వామి ఆధ్వర్యంలో జరుగుతున్న ఈ కార్యక్రమంలో ఎమ్మెల్యే మాట్లాడుతూ దేశవ్యాప్తంగా గురుపౌర్ణమి మహోత్సవాలు ఘనంగా జరుగుతున్నాయని అన్నారు. కార్యక్రమ నిర్వాహకులను వారి భక్తి ప్రభత్తులను ఆయన కొనియాడారు. ఈ కార్యక్రమంలో తాము పాల్గొనడం ఆనందకరంగా ఉందన్నారు. అనంతరం ప్రత్యేక పూజలు చేసి అన్నదాన కార్యక్రమాన్ని ప్రారంభించారు. ఈ కార్యక్రమంలో వేల వ్యాధి మంది భక్తులు స్వామివారి అన్న ప్రసాదాన్ని స్వీకరించారు. మాజీ కార్పొరేటర్లు రమణబాబు, జి. కోటేశ్వరరావు,అయితా కృష్ణ కిషోర్, సందక శివకుమార్, బెవర ఈశ్వర్, చీర్ల రామ్మోహన్, పిల్లా జగ్గు తదితరులు పాల్గొన్నారు.