కులగణన లో పాల్గొన్న మొదటి పౌరురాలు- మేయర్ రాయన భాగ్యలక్ష్మి

విజయవాడ, నేటి పత్రిక ప్రజావార్త :
విజయవాడ నగరపాలక సంస్థ ప్రధమ పౌరురాలు, మేయర్ రాయన భాగ్యలక్ష్మి శుక్రవారం ఉదయం ఆంధ్రప్రదేశ్ రాష్ట్ర ప్రభుత్వం ప్రతిష్టాత్మకంగా చేపట్టిన కులగణన 19-01-2024 నుండి ప్రారంభిస్తున్న శుభ సందర్భంలో 46వ డివిజన్ సచివాలయం పరిధిలో ప్రారంభించిన కులగణనలో భాగస్వాములయ్యారు. ఈ సందర్భంగా విజయవాడ నగరపాలక సంస్థ మేయర్ రాయన భాగ్యలక్ష్మి మాట్లాడుతూ ఆంధ్ర రాష్ట్ర ప్రభుత్వం 19-01-2024 న ప్రారంభించిన కులగణన కార్యక్రమంలో ప్రజలందరూ ప్రతి సచివాలయంలో నిర్వహించు సర్వేలో పాల్గొని విజయవంతం చేయాలనికోరారు. ఈ కార్యక్రమం 19 జనవరి నుండి 28 జనవరి వరకు జరుగుతుందని ప్రతి సచివాలయం సిబ్బంది, వాలంటీర్లు సర్వే ద్వారా కులగణన చేస్తారని ప్రజలందరూ ఇందులో పాల్గొని విజయవంతం చేయవలసిందిగా కోరారు.