విపత్తు నుంచి విజయవంతమైన వేడుకలు

-ఎమ్మెల్యే సుజనా చౌదరి

విజయవాడ, నేటి పత్రిక ప్రజావార్త :
ఇటీవల సంభవించిన వరద విపత్తు నుంచి విజయవంతంగా జరిగిన దసరా వేడుకలతో విజయవాడ నగరం ప్రకాశించిందని పశ్చిమ నియోజకవర్గ శాసనసభ్యులు యలమంచిలి సత్యనారాయణ (సుజన చౌదరి) తమ ఎక్స్ ఖాతాలో పోస్ట్ చేశారు. వరద విపత్తుతో ప్రజలందరి గుండెలు బరువెక్కాయని నేడు శరన్నవరాత్రుల వెలుగులతో విజయవాడ నగరం ప్రకాశించిందన్నారు. చంద్రబాబు నాయకత్వంలో ఎన్డీఏ ప్రభుత్వ అవిశ్రాంత కృషి, దుర్గమ్మ చల్లని దీవెనలతో నగరవాసులకు స్వాంతన చేకూరిందన్నారు. విజయవాడ నగరం వరదల నుంచి కోలుకొని విజయదశమిని అత్యంత వైభవంగా జరుపుకొందని ఎమ్మెల్యే సుజనా శనివారం ట్విట్టర్లో పోస్ట్ చేశారు.