బర్డ్ ఫ్లూ *(ఏవియన్ ఇన్ఫ్లుఎంజా)పై అపోహలు వద్దు

పెరవలి, కానూరు, నేటి పత్రిక ప్రజావార్త :
జిల్లాలో బర్డ్ ఫ్లూ(ఏవియన్ ఇన్ఫ్లుఎంజా) కోళ్లకు వచ్చిన వ్యాధి అని తగిన జాగ్రత్తలు పాటిస్తే వైరస్ సోకదని, ప్రజలు ఆందోళన పడవలసిన పని లేదని జిల్లా జిల్లా వైద్య ఆరోగ్య శాఖ అధికారి డా. కె. వెంకటేశ్వర రావు అన్నారు. మంగళవారం జిల్లా జిల్లా వైద్య ఆరోగ్య శాఖ అధికారి డా. కె. వెంకటేశ్వర రావు వైద్యులు, వైద్య సిబ్బందితో కలసి కానూరు అగ్రహారం ఇంటింటి సర్వే కార్యక్రమంలో పాల్గొన్నారు.

ఈ సందర్భంగా ఆయన మాట్లాడుతూ బర్డ్ ఫ్లూ ఉన్న తగు జాగ్రత్త లు పాటించడం చాలా ముఖ్యని, ఆరోగ్యంగా ఉండటానికి మాత్రమే కాకుండా, వైరస్ వ్యాప్తిని అడ్డుకోవడానికి కూడా ఈ జాగ్రత్తలు అవసరం అని తెలియ చేశారు. ప్రజలు అప్రమత్తం గా ఉండాలని ఏదైనా జ్వరం, జలుబు, తలపోటు, ఒళ్ళునొప్పులు వంటి లక్షణములు వచ్చిన వెంటనే వైద్య సిబ్బంది కి తెలియ చేయాలన్నారు. కానూరు అగ్రహారం ను రెడ్ జోన్ గా చేసి   ప్రజలలో ఉన్న అపోహలు తొలగిస్తున్నారని తెలియచేసారు.

కోడిగుడ్లు, చికెన్ వినియోగం, రవాణ చేయడం , శుభ్రం చేయడం మరియు వంటకు తీసుకోవలసిన జాగ్రత్తలను ఆయన తెలియ చేశారు.

**1. చికెన్ మరియు కోడిగుడ్లు వినియోగం

– చికెన్ పూర్తిగా వండిన తర్వాత మాత్రమే తినాలి (75°C కంటే ఎక్కువ ఉష్ణోగ్రతలో ఉడికించాలి).
– ముడి మాంసం తినకూడదు, హాఫ్-బాయిల్ చేసిన గుడ్లు తినకూడదు.
– కోడిగుడ్లు మరియు చికెన్ చేతితో తాకినా తర్వాత బాగా చేతులు కడుక్కోవాలి.
– చికెన్ మరియు గుడ్లను వేరు వేరు నిల్వ చేయాలి, ఇతర ఆహార పదార్థాలతో కలపకూడదు.

* *2. ముడి మాంసాన్ని నిర్వహించడం

– ముడి చికెన్ లేదా కోడిగుడ్లు తాకిన ఉపకరణాలు బాగా శుభ్రం చేయాలి.
– కత్తులు, బోర్డులు, ప్లేట్లు వేరుగా ఉంచి వేడినీటితో కడిగాలి.
– ముడి మాంసాన్ని నిల్వ చేయేటప్పుడు, ఇతర ఆహార పదార్థాలకు తాకకుండా మూయించాలి.

**3. చికెన్ రవాణా సమయంలో జాగ్రత్తలు

– కోళ్లు మరణించి ఉంటే వాటిని జాగ్రత్తగా తగిన జాగర్తలు తీసుకొని వాటిని నిర్ములన చేయాలనీ తెలియచేసారు .
– రవాణా చేసే డబ్బాలు, తరచుగా శుభ్రం చేయాలి.
– బర్డ్ ఫ్లూ ప్రబలిన ప్రాంతాల నుండి చికెన్, గుడ్ల రవాణా చేయకుండా ఉండాలి.
– కోళ్లు లేదా మాంసాన్ని తీసుకురావడం తర్వాత వెంటనే శుభ్రం చేసుకోవాలి.

4. చికెన్ శుభ్రం & వంట చేయడం

– మాంసాన్ని ఉడకబెట్టిన తర్వాత మాత్రమే కడిగితే మంచిది.
– వేడినీటిలో కడిగి, ఎవరైనా చేతితో తాకినట్లయితే వెంటనే చేతులు కడుక్కోవాలి.
– వంట ముందు కిచెన్ శుభ్రం చేసుకోవాలి.
– చికెన్ వండిన తర్వాత దాని ఉష్ణోగ్రత 75°Cకి చేరుకున్నదని నిర్ధారించుకోవాలి.

* *ఏవియన్ ఇన్ఫ్లుఎంజా(బర్డ్ ఫ్లూ)

– వ్యాధి వ్యాప్తి నేపథ్యంలో, వైద్య ఆరోగ్య శాఖ ఈ క్రింది చర్యలను చేపట్టింది:

* *డోర్-టు-డోర్ నిఘా:- 10-కిలోమీటర్ల పరిధిలో, మా బృందాలు కింది ప్రాథమిక ఆరోగ్య కేంద్రాలను (PHCలు) కవర్ చేశాయి: కానూరు, సమిశ్రగూడెం, మార్కండపాడు, పెరవలి, ఉండ్రాజువరం, వెలువెన్ను మరియు సీతానగరం, 34 గ్రామాలలో విస్తరించి ఉన్నాయి. రోగలక్షణ కేసులను గుర్తించడం కోసం ఇంటింటికీ నిఘా నిర్వహించడానికి ASHAలు, ANMలు మరియు CHOలతో కూడిన 64 బృందాలను నియమించడం జరిగింది.

**వైద్య శిబిరాలు:- అవసరమైన వారికి వైద్యం అందించేందుకు ఆయా గ్రామాల్లో వైద్య శిబిరాలు నిర్వహించారు.

**హెల్త్ ఎడ్యుకేషన్ : -ఏవియన్ ఇన్‌ఫ్లుఎంజాపై అవగాహన కల్పించేందుకు గ్రామాల్లో నిఘా సమయంలో ఆరోగ్య విద్యా సదస్సులు నిర్వహించడం జరుగుతున్నాయని తెలియ చేశారు.

* *స్వాబ్ పరీక్షలు:- అనుమానితుల కేసులను గుర్తించడానికి పౌల్ట్రీ కార్మికులకు స్వాబ్ పరీక్షలు నిర్వహించడం.

ఇటువంటి సమయంలో ప్రజలు అప్రమత్తం గా ఉండాలని ఏదైనా జ్వరం, జలుబు, తలపోటు, ఒళ్ళునొప్పులు వంటి లక్షణములు వచ్చిన వెంటనే వైద్య సిబ్బంది కి తెలియ చేయాలనీ కానూరు అగ్రహారం ను రెడ్ జోన్ గా చేసి ప్రజలలో ఉన్న అపోహలు తొలగిస్తున్నారని తెలియచేసారు.

ఈ కార్యక్రమములో కొవ్వూరు డివిజన్ ఇంచార్జ్ డిప్యూటీ డి ఎం హెచ్ ఒ డా. ఈ డా.ఎస్. ధర్మ రాజు, డిస్ట్రిక్ట్ సర్వేలెన్స్ అధికారి డా. రాజీవ్, డా. అభిషేక్, ఎపిఢమాలోజిస్ట్ బి. సుధీర్ బాబు, కానూరు పిహెచ్ సి వైద్యాధికారి డా. హేమరాజు, డిస్ట్రిక్ ఎపిడమిక్ సెల్ ఎంపిహెచ్ఇఒ జాన్సన్ రాజు, సిసిబి రాజు, సూపెర్వైజర్స్ ఇతర ఆరోగ్య సిబ్బంది తదితరులు పాల్గొన్నారు.