అందరినీ అలరించిన కూచిపూడి నృత్యోత్సవం…

విజయవాడ, నేటి పత్రిక ప్రజావార్త :
శ్రీవాగ్దేవి కూచిపూడి నృత్యాలయ ఆధ్వర్యంలో తుమ్మలపల్లి కళాక్షేత్రంలో రెండు రోజులపాటు నిర్వహించిన కూచిపూడి నృత్యోత్సవం ఆదివారం ముగిసింది. రాష్ట్రంలోని వివిధ ప్రాంతాల నుంచి వచ్చిన చిన్నారులు సీనియర్‌ కళాకారులు తమ ప్రదర్శనతో ఆకట్టుకున్నారు. ఈ సందర్భంగా ప్రముఖ నాట్యాచార్యుడు పిళ్ళా ఉమామహేశ్వరపాత్రుడు మాట్లాడుతూ కూచిపూడి నాట్యం భారతదేశానికి బ్రాండ్‌ అంబాసిడర్‌ అన్నారు. ఈ సందర్భంగా విజయలక్ష్మీ అనే కళాకారిణి నాట్యం చేస్తూనే కాలితో నెమలి చిత్రాన్ని వేసి అబ్బురపరిచింది. అనంతరం పలువురు నాట్యాచార్యులను ఆత్మీయంగా సత్కరించి నృత్య ప్రదర్శనలో ప్రతిభ కనబరచిన చిన్నారులకు ప్రశంసాపత్రాలు. జ్ఞాపికలతో పాటు శ్రీ వేంకటేశ్వర, నటరాజ్‌ అవార్డ్‌లు అందించారు. ఈ కార్యక్రమంలో వాగ్దేవి కూచిపూడి నృత్యాలయ వ్యవస్థాపకుడు సప్పా శివకుమార్‌, గోళ్ళ నారాయణరావు, కేంద్ర సంగీత, నాటక అకాడమీ అవార్డుగ్రహీత వేదాంతం రాధేశ్యామ్‌, నగరపాలక సంస్థ అధికారి కె.అంబేద్కర్‌, గాన కోకిల కుమార సూర్యనారాయణ తదితరులు పాల్గొన్నారు.