సిఎం చేతుల మీదుగా స్వచ్ఛత అవార్డు పొందిన అంగన్వాడీ కార్యకర్త జి లక్ష్మీ

రాజమహేంద్రవరం , నేటి పత్రిక ప్రజావార్త :
తూర్పుగోదావరి జిల్లా పల్ల కడియం, అంగన్వాడి కేంద్రం 2 కు చెందిన అంగన్వాడీ కార్యకర్త జి లక్ష్మి పరిశుభ్రత పై గ్రామంలో విస్తృత స్థాయిలో ప్రచారం చేసి ప్రజల్లో అవగాహన పెంచినందుకు గాను రాష్ట్ర ముఖ్యమంత్రి నారా చంద్రబాబునాయుడు చేతుల మీదుగా శనివారము తణుకు పట్టణంలో పాల్గొన్న స్వర్ణాంధ్ర స్వచ్ఛ ఆంధ్ర కార్యక్రమంలో అవార్డు అందజేశారు. రాష్ట్రస్థాయిలో రాష్ట్ర మహిళా శిశు సంక్షేమ శాఖ ఆధ్వర్యంలో అంగన్వాడీ కార్యకర్త జి. లక్ష్మి ఒక్కరే ఈ అవార్డుకు ఎంపిక కావడం గమనార్హం. అవార్డు పొందిన లక్ష్మీ ను ఐ సి డి ఎస్ పిడి విజయ కుమారి తదితరులు అభినందించారు.