సింగపూర్‌లో వైభవంగా ఎన్టీఆర్ జయంతి వేడుకలు

-Telugu Desam Forum Singapore (TDFS)ఆధ్వర్యంలో అన్న ఎన్టీఆర్ కి ఘన నివాళి

సింగపూర్‌, నేటి పత్రిక ప్రజావార్త :
తెలుగు ప్రజల గుండెల్లో చిరస్థాయిగా నిలిచిన మహానటుడు, రాజకీయ దార్శనికుడు, ఆంధ్రుల ఆత్మగౌరవ ప్రతీక డాక్టర్ నందమూరి తారక రామారావు జయంతిని TDFS సభ్యులు అపూర్వంగా నిర్వహించారు. ఈ సందర్భంగా, మే 28వ తేదీ సాయంత్రం 8:30 గంటలకు వేడుకలు కేక్ కట్‌తో ఆరంభమయ్యాయి. ఎన్టీఆర్ గారి చిత్రపటానికి పూలమాలలు వేసి ఘనంగా నివాళులర్పించారు. అన్నగారి సినీ ప్రస్థానం, ప్రజాస్వామ్యంపై ఆయన చూపిన ప్రతిబద్ధత, తెలుగు సంస్కృతిని ప్రపంచానికి చాటిన సేవలు అన్నింటినీ ఈ వేడుకలో మనస్ఫూర్తిగా స్మరించుకున్నారు. ఈ కార్యక్రమానికి హాజరైన ప్రతి ఒక్కరూ ఎన్టీఆర్ గారి జ్ఞాపకాలను గుర్తుచేసుకుంటూ భావోద్వేగభరితంగా స్పందించారు.

అంతేకాకుండా, Sarigama Grand వారి విందుతో ఈ రాత్రి మరింత రుచికరంగా మారింది. సాంప్రదాయ తెలుగు వంటకాలతో, ఆతిథ్య గౌరవంతో అందించిన భోజనం ప్రతి ఒక్కరిని ఆకట్టుకుంది. ఈ విజయవంతమైన వేడుకకు ప్రధాన కారకులైన TDFS సభ్యుల సమిష్టి కృషి, అంకితభావం, సమన్వయం ప్రశంసనీయం. TDFS ఆధ్వర్యంలో నిర్వహించిన ఈ కార్యక్రమం, విదేశాల్లో తెలుగువారి ఐక్యతను, తమ మూలాలను గౌరవించే భావనను మరోసారి చాటిచెప్పింది.