తిరుపతి మరియు ప్రపంచవ్యాప్తంగా ఉప ముఖ్యమంత్రి పవన్ కళ్యాణ్ జన్మదిన వేడుకలు

తిరుపతి, నేటి పత్రిక ప్రజావార్త :
ఆంధ్రప్రదేశ్ రాష్ట్ర ఉప ముఖ్యమంత్రి కొణిదెల పవన్ కళ్యాణ్ జన్మదిన వేడుకలు తిరుపతి లోని పలు ప్రాంతాలు మరియు ప్రపంచవ్యాప్తంగా ఘనంగా నిర్వహించబడ్డాయి. ఈ వేడుకలు పండగ వాతావరణంలో, సేవాభావాన్ని ప్రతిబింబిస్తూ, ఆయన గొప్పతనాన్ని గుర్తు చేసాయి. జన్మదిన సందర్భంగా తిరుపతి శాసనసభ్యులు ఆరాణి శ్రీనివాసులు మరియు ఆంధ్రప్రదేశ్ హస్తకళా నైపుణ్యాభివృద్ధి సంస్థ చైర్మన్, జనసేన పార్టీ ఉమ్మడి చిత్తూరు జిల్లా అధ్యక్షుడు డా. పసుపులేటి హరిప్రసాద్ ముఖ్య అతిధులుగా పాల్గొన్నారు.

విద్యార్థుల సంక్షేమం కోసం ప్రభుత్వం బాలికల వసతి గృహం, చెన్నారెడ్డి కాలనీలో పుస్తకాలు, బెడ్షీట్లు, పెన్స్ అందజేయడం మరియు కేక్ కట్ కార్యక్రమం నిర్వహించబడింది. విద్యార్థులు ఈ కార్యక్రమంలో ఎంతో ఉత్సాహంగా పాల్గొన్నారు. తిరుపతి ఎమ్మెల్యే నివాసంలో ప్రతిభ కనబరిచిన విద్యార్థులకు సైకిళ్లు అందజేయడం జరిగింది. ఈ కార్యక్రమాన్ని తిరుపతి సీనియర్ నాయకులు నీలాద్రి గారు ఏర్పాటు చేసి, ఎమ్మెల్యే గారి చేతుల మీదుగా విద్యార్థులకు అందజేశారు. తిరుపతి మేటర్నిటీ హాస్పిటల్‌లో బాలింత మహిళలకు బెడ్షీట్లు, బ్రెడ్, పండ్లు పంపిణీ చేయడం జరిగింది. అలాగే, SV రుయా హాస్పిటల్‌లో ఘనంగా అన్నదాన కార్యక్రమం నిర్వహించబడింది. చంద్రగిరి క్లాక్ టవర్ వద్ద బీగాల అరుణ ఆధ్వర్యంలో కేక్ కట్ కార్యక్రమం, మరియు చంద్రగిరి నియోజకవర్గం మంగళంలో జనసేన సాయి ఆధ్వర్యంలో ఘనంగా అన్నదాన కార్యక్రమం నిర్వహించబడింది.

డా. పసుపులేటి హరిప్రసాద్ మాట్లాడుతూ… “పవన్ కళ్యాణ్ జన్మదిన సందర్భంలో ప్రపంచంలోని యునైటెడ్ కింగ్‌డమ్, యునైటెడ్ స్టేట్స్, ఆస్ట్రేలియా, సింగపూర్, కువైట్, దుబాయ్, మలేషియా లాంటి దేశాల్లో కూడా కార్యక్రమాలు ఘనంగా నిర్వహించబడ్డాయి. ఈ వేడుకలు ఆయన సేవాభావం, నాయకత్వ లక్షణాలు మరియు ప్రజా సంక్షేమానికి చేసిన కృషిని గుర్తు చేసాయి. తిరుపతిలో మరియు ప్రపంచవ్యాప్తంగా జరిగిన ప్రతి కార్యక్రమం ఆయన సేవాభావాన్ని, నాయకత్వ లక్షణాలను ప్రతిబింబించింది. విద్యార్థుల సంక్షేమం, ప్రజల సేవ, సామాజిక బాధ్యతలకోసం ఎల్లప్పుడూ కృషి చేయడం, ప్రజల హక్కుల కోసం పోరాడడం పవన్ కళ్యాణ్ గొప్పతనం. ఈ వేడుకల్లో పాల్గొన్న ప్రతి ఒక్కరు పండగ వాతావరణాన్ని సృష్టించి, ఆయన సేవా దృక్పథాన్ని ప్రతిబింబించారు. మనందరి దృష్టిలో పవన్ కళ్యాణ్ నాయకత్వం ఆదర్శంగా నిలుస్తుంది” అన్నారు.

ఈ కార్యక్రమాల్లో జనసేన పార్టీ నగర అధ్యక్షులు రాజా రెడ్డి, ఉమ్మడి చిత్తూరు జిల్లా ఉపాధ్యక్షులు బత్తిన మధు బాబు, కార్యదర్శి ఆనంద్, రాష్ట్ర కార్యదర్శి అకేపాటి సుభాషిణి, అన్న అనిత, నీలాద్రి గారు, దినేష్ జైన్, కె ఎం కె లోకేష్, ఆముదల వెంకటేష్, జానకిరాం రెడ్డి, ప్రభాకర్ రెడ్డి, ఆటోనగర్ భరత్, వార్డ్ అధ్యక్షులు, తిరుపతి డివిజన్ కార్పొరేటర్లు, నగర నాయకులు, జనసైనికులు మరియు వీరామహిళలు పాల్గొన్నారు.