ప్రజా సంక్షేమమే జగన్మోహన్ రెడ్డి లక్ష్యం… : దేవినేని అవినాష్

విజయవాడ, నేటి పత్రిక ప్రజావార్త :
గత మూడేళ్ళుగా సచివాలయం,వాలంటీర్లు వ్యవస్థల ద్వారా ప్రజల వద్దకే ప్రభుత్వ సేవలు అందడం పట్ల ప్రజలు సంతోషం వ్యక్తం చేస్తున్నారని తూర్పు నియోజకవర్గ వైస్సార్సీపీ ఇన్ ఛార్జ్ దేవినేని అవినాష్ తెలిపారు అన్నారు. గడపగడపకు ౼ మన ప్రభుత్వం కార్యక్రమంలో భాగంగా బుధవారం నాడు 13వ డివిజన్ 56వ సచివాలయ పరిధిలోని పటమట డొంక రోడ్ నుండి మొదలై పద్మజ నగర్,జెడి నగర్,లక్ష్మిపతి నగర్ ప్రాంతాల్లో ప్రతి ఇంటి ఇంటికి వెళ్లి ప్రభుత్వం అమలు చేస్తున్న సంక్షేమ పథకాలు అందుతున్నాయా లేదా అని లబ్ధిదారులను అడిగి తెలుసుకున్నారు. ఈ సందర్భంలో అయన మాట్లాడుతూ గడిచిన మూడేళ్ళలో వైస్సార్సీపీ ప్రభుత్వం ఎన్నికల సమయంలో ప్రజలకు ఇచ్చిన మాట ప్రకారం ప్రతీ హామీలను సీఎం జగన్మోహన్ రెడ్డి  నెరవేర్చారని తెలిపారు. అతి తక్కువ సమయంలో ప్రజల మన్ననలు పొందిన ఏకైక ప్రభుత్వం ముఖ్యమంత్రి జగన్మోహన్ రెడ్డి ప్రభుత్వమేనని పేర్కొన్నారు. గడప గడపకు తిరుగుతూ ప్రజా సమస్యలు వింటూ మూడేళ్ళ పరిపాలనలో ఒక్కో ఇంటికి ప్రభుత్వం ద్వారా అందిన లబ్ధిని వివరించారు. నవరత్నాలలో భాగంగా కులాలకు, మతాలకు, రాజకీయాలకు అతీతంగా జగనన్న ప్రభుత్వం ఆధ్వర్యంలో సంక్షేమ పథకాలను అమలు చేశామని, గడపగడపకు-మన ప్రభుత్వం కార్యక్రమంలో మహిళలు అందరూ స్వచ్ఛందంగా పాల్గొంటూ జగనన్నకు మద్దతు పలుకుతున్నారని, మరో 30 – 40 సంవత్సరాలు రాష్ట్ర ముఖ్యమంత్రి వై.ఎస్ జగన్ మోహన్ రెడ్డి  ముఖ్యమంత్రిగా కొనసాగేలా తామంతా కృషి చేస్తామన్నారు. ఈ 13వ డివిజన్ లో 8 రోజుల నుండి గడప గడపకు వెళ్తుంటే ప్రజల్లో విశేష స్పందన వస్తుంది అన్నారు.రాష్ట్రంలో ప్రజలంతా చాలా సంతోషంగా ఉన్నారని అన్నారు. కరోన కష్టకాలంలో కూడా సంక్షేమ పథకాలు ఎక్కడ ఆగలేదని, గత తెలుగు దేశం పార్టీ ప్రభుత్వంలో పచ్చ చొక్కా వాళ్లకు మాత్రమే ప్రభుత్వ పథకాలను అందజేసే వాళ్లని, కానీ మన ముఖ్యమంత్రి జగన్మోహన్ రెడ్డి  ప్రభుత్వంలో కులాలకు, మతాలకు,ప్రాంతాలకు అతీతంగా సంక్షేమ పథకాలు అందిస్తున్నారని తెలియజేసారు.ఈ కార్యక్రమంలో డిప్యూటీ మేయర్ బెల్లం దుర్గ,స్థానిక డివిజన్ ఇంఛార్జ్ రామాయణపు శ్రీనివాస్,మాజీ డిప్యూటీ మేయర్ ఆళ్ల చెల్లారావు,వైస్సార్సీపీ నాయకులు ఉకోటి రమేష్,శ్రీను,విజయ్,రెడ్డి,హనాన్,మీరా వలి తదితరులు పాల్గొన్నారు.

దేవినేని నెహ్రూ చారిటబుల్ ట్రస్ట్ ద్వారా తోపుడు బండి వితరణ
రాజకీయాలకు అతీతంగా దేవినేని నెహ్రూ చారిటబుల్ ట్రస్ట్ ద్వారా విజయవాడలో ఆపదలో అవసరార్ధం ఉన్న నిరుపేదలకు విద్య,ఉపాధి, వైద్య రంగాలలో అండగా నిలుస్తు బుధవారం నాడు 13వడివిజన్ నిరుపేద కుటుంబాలకు చెందిన రాయల సుబ్బయ్య కి తోపుడు బండి ఇవ్వడం చాలా సంతోషంగా ఉంది అని తూర్పు నియోజకవర్గ వైస్సార్సీపీ ఇంచార్జ్ దేవినేని అవినాష్ అన్నారు. అద్దె బండి తో వారి జీవనోపాధి కొరకు కష్ట పడుతున్న విషయం స్థానిక వైస్సార్సీపీ నాయకులు అవినాష్ దృష్టికి తీసుకురాగా వారికి దేవినేని నెహ్రూ చారిటబుల్ ట్రస్ట్ ద్వారా దాదాపు 20 వేల రూపాయల విలువ గల తోపుడు బండిని అందజేశారు.