ఆంధ్రప్రదేశ్ శాసనసభ ఉపసభాపతి గా కోలగట్ల వీరభద్రస్వామి ఏకగ్రీవంగా ఎంపిక

అమరావతి, నేటి పత్రిక ప్రజావార్త :
తేనీటి విరామం తదుపరి మధ్యాహ్నం 12.00 గంటలకు సభ సమావేశమై న వెంటనే శాసనసభ స్పీకర్ తమ్మినేని సీతారాం మాట్లాడుతూ ఉపసభాపతి పదవికి  కోలగట్ల వీరభద్రస్వామి పేరు ఒక్కటే నామినేట్ చేయబడి నందున వారిని ఉపసభాపతి గా ఏకగ్రీవంగా ఎన్నుకున్నట్లు సభాపతి ప్రకటించారు. అనంతరం ముఖ్యమంత్రి వైయస్ జగన్మోహన్ రెడ్డి పాటు పలువురు మంత్రులు, శాసన సభ్యులు. కోలగట్ల వీరభద్ర స్వామిని పోడియం పైనున్న స్పీకర్ సీటు వద్దకు తీసుకువచ్చి గౌరవ ప్రదంగా వారిని ఆ సీట్లో కూర్చో బెట్టి అభినందనలు తెలియజేశారు. అనంతరం పలువురు మంత్రులతో పాటు అధికార, ప్రతిపక్ష పార్టీ శాసనసభ్యులు ఉపసభాపతి కోలగట్ల వీరభద్ర స్వామి కి అభినందనలు తెలియజేశారు. అనంతరం పలువురు శాసనసభ్యులు కోలగట్ల వీరభద్ర స్వామి కున్న అనుభవాన్ని, ప్రజాసేవలో భాగంగా ప్రజలకు వారు చేసిన సేవలను కొనియాడుతూ ప్రసంగించారు.