ఈనెల 15 నుండి 29 వరకు ఆర్మీ రిక్రూట్‌మెంట్ ర్యాలీ

విజయవాడ, నేటి పత్రిక ప్రజావార్త :
తమిళనాడు వెల్లూరు జిల్లా కేంద్రం క్రీడా ప్రాంగణం నందు ఈనెల 15 నుండి 29 వరకు ఆర్మీ రిక్రూట్‌మెంట్ ర్యాలీ నిర్వహించనున్నట్లు రిక్రూటింగ్ ఆఫీస్ (HQs), చెన్నై కార్యాలయం ఒక ప్రకటనలో తెలిపారు. ఆంధ్రప్రదేశ్, తెలంగాణ మరియు తమిళనాడు రాష్ట్రాల అభ్యర్థుల కోసం ఆర్మీ రిక్రూట్‌మెంట్ ర్యాలీ ఈనెల 15 నుండి 29 వరకు నిర్వహించటం జరుగుతుందని, అభ్యర్థులు, “అగ్నివీర్ (పురుషులు), అగ్నివీర్ (మహిళా మిలిటరీ పోలీస్), సోల్జర్ టెక్నికల్ నర్సింగ్ అసిస్టెంట్/ నర్సింగ్ అసిస్టెంట్ (వెటర్నరీ) మరియు నుండి సైన్యంలోకి జూనియర్ కమిషన్డ్ ఆఫీసర్ ఉద్యోగాలకు www.joinindianarmy.nic.in వెబ్ సైట్ నందు నమోదు చేసుకోవాలని, హాజరయ్యే సమయంలో ఖచ్చితమైన ద్రువపత్రాలు తో హాజరు కావాల్సి వుంటుందని, దళారులను నమ్మరాదని ఎంపిక అర్హత మేరకు పారదర్శకంగా ఉంటుందని ఆ ప్రకటనలో తెలియజేసారు.