ప్రత్యేక ఓటర్ల సవరణ -2023 కార్యక్రమం పై బి ఎల్ ఓ లతో సమావేశం

తిరుపతి, నేటి పత్రిక ప్రజావార్త :
తిరుపతి ఎస్వీ యూనివర్సిటీ ఆడిటోరియంలో ప్రత్యేక ఓటర్ల సవరణ -2023 కార్యక్రమం పై బి ఎల్ ఓ లతో సమావేశం లో నగరపాలక కమిషనర్ అనుపమ అంజలి మాట్లాడుతూ ఎన్నికల కమీషన్ ఆదేశాల మేరకు తిరుపతి నియోజక వర్గాలలో ఇప్పటికే అందిన ఫారం-6, 7 మేరకు క్షేత్ర స్థాయిలో బి.ఎల్.ఓ లు రానున్న 6 రోజులు ఉదయం 6 నుండే పరిశీలనకు వెళ్ళాలని సూచించారు. జనాభా ప్రాతిపదికన ఓటర్ల జాబితా, 18 సంవత్సరాల యువత నమోదు చూడాలని అన్నారు. కళాశాలలో మరొకసారి డ్రైవ్ నిర్వహి౦చి 18 సం. యువత ఓట రు నమోదు చేయవలసి ఉంటుందని అన్నారు. పెండింగ్ ఫారం 6, 7 దరఖాస్తులను పరిశీలించి పరిష్కరించాలని సూచించారు. ఎన్నికల కమీషన్ ఆదేశాల మేరకు డిసెంబర్ 8 నాటికి పెండింగ్ లేకుండా అన్ని దరఖాస్తులు పూర్తి కావాలని అన్నారు. 2023జనవరి 5 న ప్రకటించి ఓటర్ల జాబితా తప్పులు లేని పారదర్శకత గా వుండాలని అన్నారు.