డిసెంబర్ 15 న అమరజీవి శ్రీ పొట్టి శ్రీరాములు వర్ధంతి

రాజమహేంద్రవరం, నేటి పత్రిక ప్రజావార్త :
అమరజీవి శ్రీ పొట్టి శ్రీరాములు వర్ధంతి ని డిసెంబర్ 15 వ తేదీన రాష్ట్ర స్థాయి కార్యక్రమంగా నిర్వహించాలని రాష్ట్ర ప్రభుత్వం నిర్ణయం తీసుకోవడం జరిగిందని జిల్లా కలెక్టర్ డా కె. మాధవీలత శనివారం ఒక ప్రకటనలో తెలియచేశారు. ఈ నేపథ్యంలో జిల్లా అధికారులు, రెవెన్యూ, మండల స్థాయి అధికారులు తగిన రీతిన డిసెంబర్ 15 గురువారం అమరజీవి వర్ధంతి కార్యక్రమాన్ని ప్రభుత్వ పాఠాశాలలు, కాలేజీలు, ప్రభుత్వ కార్యాలయాల్లో తదితర ప్రాంతాల్లో నిర్వహించాలనీ కలెక్టర్ స్పష్టమైన ఉత్తర్వులు జారీ చేశారు. రాష్ట్ర ప్రభుత్వ ఉత్తర్వుల మేరకు తగిన పద్దతిలో వర్ధంతి రోజున తగిన రీతిన నివాళులు అర్పించే కార్యక్రమాలు చేపట్టాలన్నారు. పోలీసు అధికారులు, ఆర్డీవో లు, స్కూల్స్ , ఇంటర్మీడియేట్ కళాశాలకు విద్యా అధికారులు, మునిసిపల్ తదితర అధికారులు వారి సంస్థలలో కార్యాలయాల్లో అమరజీవి శ్రీ పొట్టి శ్రీరాములు వర్ధంతి సందర్భంగా నివాళులు అర్పించాలని తెలియచేశారు.