నవ భారత నిర్మాతలతో ప్రధాని మాటామంతీ- పరీక్షా పే చర్చా 2023

విజ‌య‌వాడ‌, నేటి పత్రిక ప్రజావార్త :
యువత- నవ భారత నిర్మాతలు. వారి ప్రగతి దేశ భవిష్యత్తును నిర్దేశిస్తుంది. అందుకే ప్రధాని నరేంద్ర మోదీ యువతతో నిరంతరం సంభాషిస్తూ, వారి కలలు, ఆకాంక్షలు సవాళ్లతో ముడిపడి ఉన్నారు. అలాంటి ఒక సవాలు వారి ఉత్తీర్ణతను, విద్యా స్థాయిని నిర్ణయించే పరీక్షలు – విద్యార్థుల్లో ఎక్కువమంది పరీక్షల్ని ఒక అడ్డంకిగా చూడటం, ఒత్తిడి ఉద్రిక్తతలను సృష్టించడం సాధారణ విషయం, కొన్ని సందర్భాల్లో కొందరు ఒత్తిడి నేపధ్యంలో స్వీయ మరణానికి పాల్పడుతున్న సందభాలు కోకొల్లలు. పరీక్షల చుట్టూ ఒత్తిడి లేని వాతావరణాన్ని అకడమిక్ స్కోర్లు, జీవితం, విజయం గురించి ఆరోగ్యకరమైన, సంపూర్ణమైన దృక్పధాన్ని ప్రోత్సహించడానికి ప్రధాన మంత్రి కృషి చేస్తున్నారు. పరీక్షా పే చర్చా వరుస, విజయవంతమైన కార్యక్రమాలు, దేశ ప్రధాని-విద్యార్థుల మధ్య ప్రత్యేకమైన పరస్పర ప్రభావాన్ని చూపుతున్నాయి.

పరీక్షా పే చర్చ అనేది చదువుకునే పిల్లలకు ఒత్తిడి లేని వాతావరణాన్ని సృష్టించడానికి ప్రధాన మంత్రి నరేంద్ర మోడీ నేతృత్వంలోని పెద్ద ఉద్యమం – ‘ఎగ్జామ్ వారియర్స్’లో భాగం. పరీక్షా పే చర్చా 2018 నుంచి ప్రతి ఏడాదీ కేంద్రప్రభుత్వం నిర్వహిస్తున్న కార్యక్రమం. ప్రధాన మంత్రి దేశవ్యాప్తంగా విద్యార్థులు, ఉపాధ్యాయులు, తల్లిదండ్రులతో ప్రతీఏడాది సంభాషిస్త్రున్నారు. సార్వత్రిక పరీక్షలు, ప్రవేశ పరీక్షలను ప్రశాంతంగా, ఒత్తిడి లేని పద్ధతిలో ఎలా తీసుకోవాలనే దానిపై ప్రధాని విలువైన చిట్కాలను వ్యక్తిగతంగా పంచుకుంటారు. “ఎగ్జామ్ వారియర్స్” పేరుతో నరేంద్ర మోడీ రాసిన పుస్తకాన్ని 2018 లో మానవ వనరుల అభివృద్ధి మంత్రిత్వ శాఖ విడుదల చేసిన కొన్ని రోజుల తర్వాత ఈ కార్యక్రమం నిర్వహణ మొదటిసారి జరిగింది, ఆ పుస్తకం ప్రధాని బాల్యానికి సంబంధించిన వినోదభరితమైన వాస్తవ కథల సమాహారం, ఇది పరీక్షకు ముందు ప్రశాంతంగా ఎలా ఉండాలనే దానిపై చిట్కాలను జాబితాచేసిన గొప్ప ప్రయత్నం. ఈ కార్యక్రమంలో పాల్గొనేవారు సాధారణంగా పోటీ ద్వారా ఎంపిక ఆవుతారు. పోటీలో గెలుపొందిన వారికి ప్రత్యక్షంగా హాజరయ్యే అవకాశం ఉంటుంది. కొంతమంది విజేతలు నేరుగా ప్రధానమంత్రితో సంభాషించే అవకాశాన్ని పొందుతారు. మరేదేశంలోనూ ప్రస్తుత కాలపరిస్థితుల్లో ఇలా ఒక దేశాధినేత విద్యార్థులతో నేరుగా తన అనుభవాన్ని, జ్ఞానాన్ని పంచుకునే సందర్భాలు లేవనే చెప్పాలి. గత ఐదు సంవత్సరాలుగా ఎందఱో విద్యార్థులు ప్రత్యక్షంగానో, పరోక్షంగానో ఈ కార్యక్రమం ద్వారా లబ్ది పొందినవారే.

చరిత్ర :
పరీక్షా పె చర్చా మొదటి ఎడిషన్ 2018లో; రెండవ ఎడిషన్ 29 జనవరి 2019న న్యూఢిల్లీలో జరిగింది; మూడవది 2020లో నిర్వహించారు. నాల్గవ ఎడిషన్ 7 ఏప్రిల్ 2021న, ఐదవ సమావేశం 1 ఏప్రిల్ 2022 న ఆన్‌లైన్ సమావేశం ద్వారా జరిపారు .

చర్చా ఇతివృత్తాలు :
కోవిడ్ మహమ్మారి నేపధ్యంలో ఉన్న ఒత్తిడి, రాబోయే పరీక్షల ఒత్తిడిని నిర్వహించడానికి మీరు విద్యార్థిగా అనుసరించిన సృజనాత్మక వ్యూహాలు. మన స్థానిక చరిత్ర లో తెలియని సమాచారం అన్వేషణ, స్వావలంబన భారతదేశం కోసం స్వయం-ఆధారిత పాఠశాల వంటి అంశాల మీద చర్చ, వివరణ ఉంటుంది. ఇంకా వాతావరణ మార్పులకు వ్యతిరేకంగా భారతదేశ పోరాటాన్ని ఎలా బలోపేతం చేయాలనే దానిపై విద్యార్థుల ఆలోచనలు, తరగతి గదులలో డిజిటల్ సహకారం, పర్యావరణ పరిరక్షణ, వాతావరణ మార్పు స్థితిస్థాపకత, పర్యావరణ పరిరక్షణ, వాతావరణ మార్పుల కోసం మహమ్మారి కాలంలో విద్యార్థి కార్యకలాపాలతో పాటు విద్యార్థులకు మార్గదర్శకాలు కూడా ఉంటాయి. ప్రతి విజేతకు గౌరవనీయులైన ప్రధాన మంత్రి వ్రాసిన హిందీ, ఇంగ్లీషులో రాసిన పరీక్షా వారియర్స్ పుస్తకంతో కూడిన ప్రత్యేక పరీక్షా పే చర్చా కిట్ కూడా లభిస్తుంది.

విద్యార్థులను, తల్లిదండ్రులను, ఉపాధ్యాయులను, సమాజాన్ని ఏకతాటిపైకి తీసుకురావడానికి ప్రధాని నరేంద్ర మోడీ చేసిన ప్రయత్నాల ద్వారా నడపబడుతున్న ఈ ఉద్యమం, ప్రతి బిడ్డ యొక్క ప్రత్యేక వ్యక్తిత్వాన్ని జరుపుకునే, ప్రోత్సహించే, పూర్తిగా వ్యక్తీకరించడానికి అనుమతించే వాతావరణాన్ని పెంపొందించడానికి ఈ ఉద్యమాన్ని ప్రేరేపించడం ప్రధానమైనది. మంత్రి నరేంద్ర మోదీ మార్గదర్శనంలో అత్యధికంగా అమ్ముడైన పుస్తకం ‘ఎగ్జామ్ వారియర్స్’. విద్యార్థుల విజ్ఞానం, సమగ్ర వికాసానికి ప్రాథమిక ప్రాధాన్యత ఇచ్చిన ఈ పుస్తకం ద్వారా, ప్రధాన మంత్రి విద్యకు సంబంధించిన సమాయత్త విధానాన్ని వివరించారు.. అనవసరమైన ఒత్తిడి, ఒత్తిడి కారణంగా పరీక్షలను జీవన్మరణ స్థితిగా మార్చకుండా, సరైన దృక్కోణంలో పరీక్షలను పెట్టాలని ప్రధాన మంత్రి ప్రతి ఒక్కరినీ కోరారు. చదువుల ఒత్తిడి కారణంగా ఆత్మహత్య చేసుకునే విద్యార్థుల కేసులు నమోదౌతున్న అనేక సంఘటనలకు సమాధానంగా ప్రధాని చొరవ తో జరిగే కార్యక్రమమిది. నేర్చుకోవడం అనేది ఆనందదాయకంగా, సంతృప్తికరంగా, అంతులేని ప్రయాణంగా ఉండాలి- ఇదీ ప్రధాని నరేంద్ర మోదీ సందేశం.

‘ఎగ్జామ్ వారియర్స్’ చదువుకునే కౌమార యువతకు మాత్రమే కాకుండా తల్లిదండ్రులు, ఉపాధ్యాయులకు కూడా ఉపయోగపడుతుంది. ప్రతి చిట్కా చిత్రరూపంలో సూచించబడినందున, పరీక్షా వారియర్స్‌ లో ప్రధానమంత్రి వెల్లడించిన మంత్రాలు, భావనలను ప్రతి ఒక్కరూ గ్రహించగలరు. మాడ్యూల్ ఆలోచనాత్మకమైనదే కానీ ఆనందించే కార్యకలాపాలను కూడా కలిగి ఉంది, ఇది ఆచరణాత్మక మార్గాల ద్వారా భావనలను గ్రహించడంలో సహాయపడుతుంది.
ఉదాహరణకి: పరీక్షా వారియర్స్ లో ఒక కార్యక్రమం- విద్యార్థులను ముందుగా రూపొందించిన ‘లాఫ్ హార్డ్ కార్డ్‌ లను’ పూరించమని, వారి స్నేహితులతో పంచుకోమని అడుగుతుంది, ఇది వారు ఒకరితో ఒకరు చక్కగా నవ్వుకోవడానికి సహాయపడుతుంది.

మరొక కార్యకలాపం తల్లిదండ్రులను పిల్లలను తమ ‘టెక్ గురు’గా మార్చుకోవాలని, వారితో పాటు సాంకేతిక అద్భుతాలను అన్వేషించమని ప్రోత్సహిస్తుంది. ఇది తల్లిదండ్రులను పిల్లలకు దగ్గరగా తీసుకురావడానికి అలాగే సాంకేతికతను ఉపయోగించుకునే దిశగా నిర్మాణాత్మక విధానాన్ని రూపొందించడంలో సహాయపడుతుంది. NaMo యాప్‌లోని ఎగ్జామ్ వారియర్స్ మాడ్యూల్‌లో ఇటువంటి అనేక ఆసక్తికరమైన కార్యకలాపాలు ఉన్నాయి. తల్లిదండ్రులు, ఉపాధ్యాయులందరికీ భాగస్వామ్యం అందుబాటులో ఉంది.

MyGov ప్లాట్‌ఫారమ్‌లో నమోదు చేసుకోవడం ద్వారా తల్లిదండ్రులు, ఉపాధ్యాయులు పోటీలో పాల్గొనవచ్చు.

వీడియో కాన్ఫరెన్సింగ్ ద్వారా దేశం నలుమూలల నుండి లక్షలాది మంది విద్యార్థులు ఈ కార్యక్రమంలో పాల్గొంటారు, ప్రత్యక్ష ప్రేక్షకులతో పాటు దేశం నలుమూలల నుండి విద్యార్థులను కలుపుతూ ప్రత్యక్ష ప్రసారం జరుగుతుంది. విద్యార్థులు తమ సందేహాలను #ExamWarriorsతో ఇమెయిల్ చేయడం ద్వారా లేదా పై హ్యాష్‌ట్యాగ్‌తో ట్వీట్ చేయడం ద్వారా కూడా తెలియజేయవచ్చు.

గత పరీక్షాపే చర్చా కార్యక్రమాలు భారీ విజయవంతమయ్యాయి’, ప్రధాని నరేంద్ర మోడీ ఖచ్చితంగా అందరి హృదయాలను గెలుచుకున్నారు. మాజీ ప్రధాని అటల్ బిహారీ వాజ్‌పేయి కవితలోని ‘హార్ నహీ మానుంగా’ (ఓటమిని నేను అంగీకరించను) అనే పంక్తిని ఉటంకిస్తూ వారు గత ఏడాది కార్యక్రమాన్ని ముగించారు, ఇది తన విజయానికి మంత్రమని చెప్పారు.

అర్హులైన వారు తమ ఎంట్రీలను innovateindia.mygov.in/ppc-2023 వెబ్‌సైట్‌ ద్వారా సమర్పించాల్సి ఉంటుంది. ఈ కాంపిటీషన్ ద్వారా 2025 విజేతలను ప్రకటించనున్నారు. వీరు ఎన్‌సీఈఆర్‌టీ డైరెక్టర్ నుంచి సర్టిఫికేట్‌తో పాటు “ఎగ్జామ్ వారియర్” పుస్తక కాపీని అందుకొనే అవకాశం ఉంది. ఈ కార్యక్రమంలో ఎన్‌సీఈఆర్‌టీ ఎంపిక చేసిన కొన్ని ప్రశ్నలు ఉండవచ్చు. ఈ ప్రశ్నలను అడిగిన వారు మీడియాతో మాట్లాడే అవకాశం కూడా ఉండవచ్చు. గత నవంబరు 25 నుంచి ఈ నెల 27 వరకూ నమోదుకు అవకాశం ఉన్న కార్యక్రమంలో పాల్గొని విద్యార్థులు లబ్ది పొందాలని ప్రభుత్వ సంకల్పం. ఇంకా సమయమున్నందున తల్లిదండ్రులు, ఉపాధ్యాయులు విద్యార్థుల్ని తదనుగుణంగా ప్రోత్సహించాలని పత్రికాముఖంగా ప్రభుత్వం విజ్ఞప్తి చేస్తుంది.