బోయ, వాల్మీకి, బెంతూ, ఒరియా కులాలను ఎస్టీ జాబితాలో చేర్చే తీర్మానాన్ని తక్షణం ఉపసంహరించుకోవాలి… : అనుముల వంశీకృష్ణ

విజయవాడ, నేటి పత్రిక ప్రజావార్త :
బోయ, వాల్మీకి, బెంతూ, ఒరియా కులాలను ఎస్టీ జాబితాలో చేరుస్తూ వైకాపా ప్రభుత్వం అసెంబ్లీలో చేసిన తీర్మానాన్ని తక్షణం ఉపసంహరించుకోవాలని ఆదివాసి గిరిజన సంఘాల ప్రతినిధులు తీర్మానం చేశారు. శుక్రవారం గాంధీనగర్లోని ప్రెస్లోబ్లో ఆదివాసి మేధావుల సమావేశం నిర్వహించారు. ఈ సందర్భంగా జరిగిన సభలో ఆదివాసీ మేధావుల వేదిక వ్యవస్థాపక అధ్యక్షులు అనుముల వంశీకృష్ణ మాట్లాడుతూ సుమారు 60 లక్షల మంది ఉన్న వాల్మీకి, బోయలను ఎస్సీ జాబితాలో చేరిస్తే గిరిజనులు తమ హక్కులను కోల్పోయే ప్రమాదం ఉందని అవేదన వ్యక్తం చేశారు. ఇప్పటికైన కేంద్రం అయినా దీనిపై కమిషన్ ఏర్పాటు చేయాలన్నారు. మాజీ ఎమ్మెల్యేలు నిమ్మక జయరాజు, సత్యనారాయణ రెడ్డి మాట్లాడుతూ అసెంబ్లీ సాక్షిగా ఆదివాసీలకు వైకాపా ప్రభుత్వం అన్యాయం చేసిందని ఆవేదన వ్యక్తం చేశారు. ఎస్టీ జాబితాలలో చేర్చుటకు అర్హతులేని బోయ, వాల్మికి, బెంతు ఒరియా కులాలచట్టవిరుద్ధమైన ప్రతిపాదనను కేంద్రం వెంటనే కలుగజేసుకుని వెనుకకు పంపించి తమ చిత్తశుద్దిని నిరూపించుకోవా లన్నారు. ఈ సమావేశంలో స్వప్నకుమారి, పి.బొజ్జప్ప, వంతూ బాలకృష్ణ, తదితరులు పాల్గొన్నారు.