మొబైల్ కోర్టులో నిబంధనలు ఉల్లంఘించిన వారికి 11 వేల 270 జరిమానా

-కక్షిదారులకు కౌన్సిలింగ్ ను నిర్వహించిన న్యాయమూర్తి వి. విజయ్ కుమార్ రెడ్డి 

విజయవాడ, నేటి పత్రిక ప్రజావార్త :
విజయవాడ నగరవీధులలో జనావాసాలలోనికి వస్తున్న పందులపై చర్యలలో భాగంగా పందులపెంపకం దారులపై చార్జిషీట్లను మొబైల్ కోర్టులో దాఖలు చేయవలసిందిగా కమిషనర్ ఆదేశాలు జారీ చేశారు. ప్రతి మంగళవారం జరిగే మొబైల్ కోర్టులో భాగంగా కార్పొరేషన్ కోర్టు న్యాయమూర్తి వి. విజయ్ కుమార్ రెడ్డి ఈ రోజు సర్కిల్-3 కార్యాలయంలో మొబైల్ కోర్టును నిర్వహించినారు. సర్కిల్-3 కు సంబందించిన శానిటరీ సూపర్వైజర్లు మరియు శానిటరీ ఇన్స్పెక్టర్లు మున్సిపల్ కార్పొరేషన్ నిబంధనలకు విరుద్ధంగా వ్యవహరించిన వారిపై 26 కేసులు నమోదు చేసి వారిని న్యాయమూర్తి ముందు హాజరుపరిచినారు. వీటిలో ట్రేడ్ లైసెన్స్ లేకుండా వ్యాపారం నిర్వహింస్తున్న వ్యక్తులను మరియు విచ్చలవిడిగా పశువులను రోడ్ల పైకి వదిలివేసే వ్యక్తులను మరియు రోడ్ల పైన చెత్త వేసే వారిని నేరాల క్రింద వారికి న్యాయమూర్తి రూ.11,270 జరిమానాను విధించినారు. మరోసారి ఈ విధంగా నిబంధనలకు విరుద్ధంగా చేస్తే చట్ట ప్రకారం తగిన చర్యలు తీసుకుంటామని వారిని హెచ్చరించారు. అనంతరం న్యాయమూర్తి వారికి కౌన్సిలింగ్ ను నిర్వహించారు. కార్యక్రమంలో హెల్త్ ఆఫీసర్ డా.ఇక్బాల్ హుస్సేన్, శానిటరీ సూపర్వైజర్లు, శానిటరీ ఇన్స్ పెక్టర్లు, శానిటరీ సెక్రెటరీలు మరియు ఇతర అధికారులు పాల్గొన్నారు.