ఈ నెల 14 న పోరంకి లో మినీ జాబ్ మేళా..!

విజయవాడ, నేటి పత్రిక ప్రజావార్త :
ఆంధ్రప్రదేశ్ రాష్ట్ర నైపుణ్యాభివృద్ధి సంస్థ మరియు జిల్లా ఉపాధి కల్పన శాఖ సంయుక్త ఆధ్వర్యంలో ఈ నెల 14వ తేదీన అనగా మంగళవారం ఉదయం 10 గంటల నుండి పోరంకి శ్రీనివాస నగర్ లో గల HAPPY MINDS – DDUGKY సెంటర్ నందు “మినీ జాబ్ మేళా” నిర్వహించనున్నట్లు జిల్లా ఉపాధి కల్పన అధికారి దేవరపల్లి విక్టర్ బాబు తెలిపారు.

ఈ మినీ జాబ్ మేళాలో ప్రముఖ ఎఫ్ట్రానిక్స్ సిస్టమ్స్ ప్రైవేట్ లిమిటెడ్ మరియు జోయాలూకస్ జ్యువెలరీ కంపెనీస్ లో గల వివిధ ఉద్యోగాలకు సంబంధించి ఇంటర్వ్యూలు నిర్వహించనున్నట్లు తెలిపారు.కావున, జిల్లాలోని 18 సం|| నుండి 26 సం|| ల మధ్య ఇంటర్, ఏదైన డిగ్రీ పూర్తి చేసిన యువతీ యువకులు తమ బయోడేటాతో పాటు అర్హత సంబంధించి జిరాక్స్ మరియు ఆధార్ కార్డ్ కాపీలతో హాజరు కావాలని తెలిపారు.ఇంటర్వ్యూ లలో ఎంపిక కాబడిన అభ్యర్థులకు నెలకు 16,000/- నుండి అనుభవాన్ని బట్టి 25,000 ల రూపాయల వరకు వేతనం ఉంటుందని తెలిపారు. ఈ సదవకాశాన్ని, జిల్లాలోని నిరుద్యోగ యువత సద్వినియోగ పరచుకోవాలని జిల్లా నైపుణ్యాభివృద్ధి సంస్థ అధికారి సీపాన శ్రీనివాసరావు కోరారు. ఆసక్తి గల అభ్యర్థులు ముందుగా skilluniverse.apssdc.in వెబ్సైట్ నందు తమ వివరాలను నమోదు చేసుకోవాలని తెలిపారు. మరిన్ని వివరాలకు 96666 15539 నందు సంప్రదించగలరు.