Prajavartha Online Telugu News
తిరుపతి, నేటి పత్రిక ప్రజావార్త :
మండల స్థాయి జగనన్నకు చెబుదాం స్పందన అర్జీలపై ప్రత్యేక దృష్టి పెట్టి పరిష్కారo చూపాలని ప్రోటో కాల్ స్పెషల్ డిప్యూటీ కలెక్టర్ భాస్కర్ నాయుడు వివిధ జిల్లా అధికారులను ఆదేశించారు. బుధవారం చంద్రగిరి నియోజకవర్గ పరిధిలోని మురళి కృష్ణ దేవస్థానం కళ్యాణ మండపంలో ప్రొటో కాల్ స్పెషల్ డిప్యూటీ కలెక్టర్ భాస్కర్ నాయుడు జగనన్నకు చెబుదాం ప్రజల నుంచి స్వీకరించిన అర్జీల కార్యక్రమానికి ముఖ్య అతిథిగా పాల్గొన్నారు. ఈ సందర్భంగా ప్రొటో కాల్ స్పెషల్ డిప్యూటీ కలెక్టర్ మాట్లాడుతూ.. మండల స్థాయిలో వచ్చిన జగనన్నకు చెబుదాం , స్పందన అర్జీలను గ్రామ, మండల స్థాయి అధికారులతో పాటు జిల్లా అధికారులు అందుబాటులో ఉండి ప్రజల సమస్యలను పరిష్కరించడం జరుగుతుందన్నారు. ఇప్పటికే పలు మండలాలలో మండల స్థాయి జగనన్న కార్యక్రమాన్ని ఏర్పాటు చేస్తున్నామని అధికారులు ఎలాంటి అలసత్వం లేకుండా అర్జీలపై ప్రత్యేక శ్రద్ధ చూపాలని తెలిపారు. ఈ కార్యక్రమానికి డి ఎల్ డి ఓ సుశీలదేవి, చంద్రగిరి ఎం పి డి ఓ బాలాజీ నాయక్, చంద్రగిరి తాసిల్దార్ శిరీష ,జిల్లా విద్యా శాఖాధికారి శేఖర్,జిల్లా వైద్య ఆరోగ్యశాఖ అధికారి శ్రీహరి, జిల్లా వ్యవసాయ అధికారి ప్రసాద్, సంబంధింత జిల్లా అధికారులు, తదితరులు పాల్గొన్నారు.
