57వ డివిజన్లో “వై ఏపీ నీడ్స్ జగన్” కార్యక్రమం

విజయవాడ, నేటి పత్రిక ప్రజావార్త :
57 వ డివిజన్ న్యూ రాజరాజేశ్వరి పేటలోని 233, 234, 236, 237 వ వార్డు సచివాలయాల పరిధిలో శుక్రవారం జరిగిన ‘వై ఏపీ నీడ్స్ జగన్’ కార్యక్రమంలో రాష్ట్ర ప్లానింగ్ బోర్డు ఉపాధ్యక్షులు, సెంట్రల్ ఎమ్మెల్యే మల్లాది విష్ణు, డిప్యూటీ మేయర్ అవుతు శ్రీశైలజారెడ్డి, స్థానిక కార్పొరేటర్ ఇసరపు దేవీ రాజారమేష్ పాల్గొన్నారు. తొలుత పార్టీ జెండాను ఎగురవేసి, మహానేత వైఎస్ రాజశేఖరరెడ్డి విగ్రహానికి పూలమాలలు వేసి ఘన నివాళులర్పించారు. అనంతరం సచివాలయ కార్యాలయం వద్ద సంక్షేమ పథకాల బోర్డును ఆవిష్కరించారు. నాలుగు వార్డు సచివాలయాల పరిధిలో ఇప్పటివరకు డీబీటీ ద్వారా 54 కోట్ల 38 లక్షల 18 వేల 900 రూపాయల మేలు చేకూర్చగా.. నాన్ డీబీటీ ద్వారా 41 కోట్ల 78 లక్షల వేయి 331 రూపాయలు.. మొత్తంగా 96 కోట్ల 16 లక్షల 20 వేల 231 రూపాయల లబ్ధి చేకూర్చినట్లు మల్లాది విష్ణు వెల్లడించారు. కార్యక్రమంలో నాయకులు కాళ్ల ఆదినారాయణ, శ్రీనివాసరెడ్డి, చెన్నారెడ్డి, పఠాన్ నజీర్ ఖాన్, ప్రేమ్, దుర్గాప్రసాద్, కనకారావు, రజియా, చిట్టెమ్మ, బాల, ఉత్తమ్, సచివాలయ సిబ్బంది, లబ్ధిదారులు పాల్గొన్నారు.