ఆటోనగర్‌లో వరుణ్‌ బజాజ్‌ సరికొత్త 3 వీలర్‌ షోరూం ప్రారంభం

విజయవాడ, నేటి పత్రిక ప్రజావార్త :
బజాజ్‌ 3 వీలర్స్‌ వారి అధీకృత డీలర్‌ వరుణ్‌ బజాజ్‌ సరికొత్త షోరూం మరియు వర్క్‌ షాప్‌ని ఆటోనగర్‌లో శుక్రవారం ఘనంగా ప్రారంభించారు. ముఖ్య అతిధిగా విచ్చేసిన విజయవాడ, డిప్యూటీ ట్రాన్స్‌పోర్ట్‌ కమిషనర్‌ ఎం.పురేంద్ర షోరూంని ప్రారంభించారు. ఈ సందర్భంగా వరుణ్‌ గ్రూప్‌ మేనేజింగ్‌ డైరెక్టర్‌ వరుణ్‌ మాట్లాడుతూ ఆటోనగర్‌ కస్టమర్లకు చేరువలో ఆధునిక హంగులతో సరికొత్త బజాజ్‌ 3 వీలర్‌ షోరూం & వర్క్‌షాప్‌ని ప్రారంభించడం చాలా ఆనందంగా ఉందని, అంతేకాక బజాజ్‌ 3 వీలర్‌ రంగంలో మొట్టమొదటిసారిగా ఎలక్ట్రిక్‌ ఆటోలని ఆవిష్కరించడం ఆనందదాయకంగా ఉందని తెలిపారు. బజాజ్‌ వారి సరికొత్త ఆర్‌ఇ ఇ-టెక్‌ 9.0 మరియు ఎక్స్టెల్‌ కార్గో ఇ-టెక్‌ 12.0, ఎలక్ట్రిక్‌ 3 వీలర్లను నేడు విజయవాడలో ఆవిష్కరించారన్నారు. సరికొత్త ఎలక్ట్రిక్‌ ఆటోలలో ఐపీ67 రేటెడ్‌ అడ్వాన్స్డ్‌ లై-అయాన్‌ బ్యాటరీ, టూ స్పీడ్‌ ఆటోమేటిక్‌ ట్రాన్స్‌ మిషన్‌ మరియు అత్యంత సమర్థవంతమైన పర్మినెంట్‌ మ్యాగ్నెట్‌ సిక్రోనస్‌ (పిఎంఎస్‌) మోటార్లను పొందుపరిచారన్నారు. ఆర్‌ఇ ఇ-టెక్‌ 9.0 మరియు ఎక్స్టెల్‌ కార్లో ఇ-టెక్‌ 12.0లలో 11.8 కెడబ్ల్యూహెచ్‌ బ్యాటరీ, 178 కి.మీ. రేంజ్‌ మరియు 183 కి.మీ రేంజ్‌ మైలేజ్న (అరాయ్‌ సర్టిఫికేషన్‌ ప్రకారం) ఇస్తుంది. ఎక్స్‌ షోరూం ధర రూ.3,65,419 నుండి రూ.4,49,601గా నిర్ణయించారని తెలిపారు. ఈ కార్యక్రమానికి గౌరవ అతిధులుగా బజాజ్‌ ఆటో లిమిటెడ్‌, ఐబియు రీజినల్‌ మేనేజర్‌ సేల్స్‌ ఆర్‌.కేశవమూర్తి, రీజినల్‌ మేనేజర్‌ సేల్స్‌ ఆర్‌.కార్తికేయన్‌, మరియు రీజినల్‌ మేనేజర్‌ సర్వీస్‌ బి.చంద్ర శేఖర్‌, వరుణ్‌ బజాజ్‌ డైరెక్టర్‌ పి.సత్య నారాయణ హాజరయ్యారు.