రేణిగుంట విమానాశ్రయం పెండింగ్ పనులు త్వరిత గతిన పూర్తి చేయాలి: కలెక్టర్ డా.ఎస్.వెంకటేశ్వర్

తిరుపతి, నేటి పత్రిక ప్రజావార్త :
రేణిగుంట విమానాశ్రయం సంబంధించిన హార్టికల్చర్, లైటింగ్ సంబంధిత పనులు త్వరిత గతిన పూర్తి చేయాలి అని జిల్లా కలెక్టర్ డా. వెంకటేశ్వర్ సంబంధిత అధికారులను ఆదేశించారు. మంగళవారం ఉదయం స్థానిక కలెక్టర్ ఛాంబర్ నందు విసి తుడా, ఆర్ అండ్ బి అధికారులతో విమానాశ్రయ బ్యూటిఫకేషన్, తగినంత లైటింగ్ ఏర్పాటుపై సమీక్షిస్తూ రేణిగుంట విమానాశ్రయం పరిసర ప్రాంతాల్లో తుడా అధికారులు హార్టికల్చర్ మొక్కల మెయింటెనెన్స్, బ్యూటిఫికేషన్ చర్యలు కొనసాగేలా తీసుకోవాలని, అలాగే మీడియన్ లైట్ల ఏర్పాటు త్వరిత గతిన ఏర్పాటు చేసి లైటింగ్ బ్లాక్ స్పాట్స్ లేకుండా చర్యలు తీసుకోవాలని సూచించారు. అలాగే రహదారులు భవనాల శాఖ వారు ఎయిర్ పోర్టు సమీప కూడలిలో రోడ్డు ప్రమాదాల నివారణకు చర్యలు తీసుకోవాలని ఆదేశించారు. ఈ కార్యక్రమంలో విసీ తుడా ఇంఛార్జి వెంకటేశ్వరులు, ఆర్ అండ్ బి డి.ఈ నాగమల్లయ్య తదితరులు పాల్గొన్నారు.