మౌలిక సదుపాయాల కల్పించుటకు సంబందితా శాఖలు ప్రణాళికలను సిద్ధం చేయాలి…

తిరుపతి, నేటి పత్రిక ప్రజావార్త :
జిల్లాలోని అన్ని ఎస్ సి గ్రామాలలో మౌలిక సదుపాయాల కల్పించుటకు సంబందితా శాఖలు ప్రణాళికలను సిద్ధం చేయాలని జిల్లా కలెక్టర్ డాక్టర్ వెంకటేశ్వర్ పేర్కొన్నారు. సోమవారం సాయంత్రం జిల్లా కలెక్టరేట్ నుండి సాంఘిక సంక్షేమ మరియు సాధికారత అధికారి చిన్నయ్య తో కలసి పంచాయత్ రాజ్, గ్రామీణ నీటి సరఫరా & హౌసింగ్ మొదలైన శాఖల అధికారులతో వీడియో కాన్ఫరెన్స్ నిర్వహించారు. ఈ సందర్భంగా కలెక్టర్ మాట్లాడుతూ రాష్ట్ర ప్రభుత్వ సాంఘిక సంక్షేమ శాఖ ద్వారా 100 రోజుల కార్యాచరణ లో బాగంగా జిల్లాలోని ఎస్ సి గ్రామాలలో అన్ని రకాల మౌలిక సదుపాయాల కు సంబందించి ప్రణాళికను సిద్ధం చేయాలని సంబందితా అధికారులను ఆదేశించారు. ఎస్ సి గ్రామాలలో సి సి రోడ్లు, డ్రైనేజి, సురక్షిత తాగునీరు, గృహాలు,రోడ్లు కనెక్టివిటీ వంటి మౌలిక సదుపాయాల కల్పించుటకు జిల్లాల్లో సంబంధిత శాఖలు (పంచాయత్ రాజ్, గ్రామీణ నీటి సరఫరా & హౌసింగ్ మొదలైనవి) ఇప్పటికే ఉన్న ఖాళీలను గుర్తించాలి మరియు కింది వాటిపై యాక్టన్ ప్రణాళికను సిద్ధం చేసి ప్రభుత్వానికి పంపించాలని సంబందించిన శాఖల అధికారులను ఆదేశించారు.

ఈ వీడియో కాన్ఫరెన్స్ లో పంచాయతీ రాజ్, గ్రామీణ నీటి సరఫరా, గృ హానిర్మాణం సంస్థ అధికారులు తదితరులు పాల్గొన్నారు.