ఇవియంలు భద్రపరిచిన గోడౌన్ ను తనిఖీ

గుంటూరు, నేటి పత్రిక ప్రజావార్త :
రాష్ట్ర ప్రధాన ఎన్నికల అధికారి ఆదేశాల మేరకు మాస వారి తనిఖీలలో భాగంగా మంగళవారం ఉదయం గుంటూరు కలక్టరేట్ ఆవరణలోని ఇవియంలు భద్రపరిచిన గోడౌన్ ను జిల్లా ఇంచార్జ్ కలెక్టర్ ఏ.భార్గవ్ తేజ తనిఖీ చేసారు. సీసీ టీవి పనితీరు , అగ్నిమాపక పరికరాలను పరిశీలించారు. గోడౌన్ వద్ద భద్రత సిబ్బంది లాగ్ బుక్ ను పరిశీలించారు. ఇవియంల భద్రత విషయంలో రాజీపడకుండా అవసరమైన అన్ని భద్రతా చర్యలు పకడ్బందీగా చేపట్టాలని అధికారులను జిల్లా ఇంచార్జ్ కలెక్టర్ ఆదేశించారు. ఇవియం ల పరిశీలనలో డిఆర్ఓ ఎన్‌ఎస్‌కే.ఖాజావలి, ఆర్డిఓ కె. శ్రీనివాస రావు , అడిషనల్ జిల్లా అగ్నిమాపక అధికారి కె.కృష్ణా రెడ్డి, గుంటూరు పశ్చిమ మండల తహశీల్దార్ కె.వేంకటేశ్వర రావు, ఆర్ అండ్ బి ఎక్జిక్యూటివ్ ఇంజనీర్ ఏ.నాగేశ్వర రావు, ఎలక్ట్రికల్ డివిజన్ డి‌ఈ ఏ.కాళీ మాత, రెవెన్యూ సిబ్బంది పాల్గొన్నారు.