ఘనంగా అన్నమ్మ తల్లి 28వ ప్రతిష్ట మహోత్సవం

-అన్నదాన కార్యక్రమాన్ని ప్రారంభించిన గద్దె క్రాంతి

విజయవాడ, నేటి పత్రిక ప్రజావార్త :
కృష్ణలంక 22వ డివిజన్ పరిధిలోని అన్నమ్మ తల్లి 28వ ప్రతిష్ట మహోత్సవం కార్యక్రమం అంగరంగ వైభవంగా జరిగింది. ఈ కార్యక్రమానికి టిడిపి యువ నాయకులు గద్దె క్రాంతి కుమార్ పాల్గొని పూజా కార్యక్రమాలు నిర్వహించారు. అనంతరం అన్నదాన కార్యక్రమాన్ని ప్రారంభించారు. అన్నదాన కార్యక్రమం నిమిత్తం రూ. 5 వేలు ఆర్థిక సహాయాన్ని గద్దె క్రాంతి ఆలయ కమిటీ వారికి అందజేశారు. ఈ సందర్భంగా గద్దె క్రాంతికుమార్ మాట్లాడుతూ అన్ని దానాల్లో కల్లా గొప్పది అన్నదానం అన్నారు. ఎదుటివారి ఆకలి తీర్చడంలో ఉండే సంతృప్తి మరి ఏ ఒక్కదాంట్లో ఉండదన్నారు. పండగలు ఉత్సవాల పేరుతో అన్నదానాలు నిర్వహించడం మంచి సాంప్రదాయమని, అన్నదానం నిర్వహించిన కమిటీ సభ్యులను గద్దె క్రాంతి అభినందించారు. ఈ కార్యక్రమంలో ఆలయ కమిటీ అధ్యక్షులు విజ్జి సన్యాసిరావు, పెద్ది అన్నారావు, పెద్ది పెద్ద అన్నారావు, తాత సాంబయ్య, బత్తుల నాగేశ్వరావు, తోట శ్రీనివాస్, యాళ్ల దుర్గారావు, నడికోప్పుల శివ, రాంబాబు, కొండేటి వెంకట్రావు, రవి, టెంటు రాజేష్ తదితరులు పాల్గొన్నారు.