రాష్ట్ర మాజీ సైనిక సంఘం కార్యాలయంలో ఘనంగా స్వాతంత్ర్య దినోత్సవ వేడుకలు

విజ‌యవాడ‌, నేటి పత్రిక ప్రజావార్త :
79 వ స్వాతంత్ర్య దినోత్సవం సందర్భంగా రాష్ట్ర మాజీ సైనిక సంఘం, వ్యవస్థాపక అధ్యక్షులు మోటూరి శంకరరావు శుక్రవారం తమ కార్యాలయంలో ఘనంగా జెండా ఆవిష్కరణ కార్యక్రమం నిర్వహించారు. ఈ సందర్బంగా రాష్ట్ర మాజీ సైనిక సంఘం, వ్యవస్థాపక అధ్యక్షులు మోటూరి శంకరరావు మాట్లాడుతూ బ్రిటీష్ పాలన నుంచి భారతదేశానికి విముక్తి కలిగించేందుకు ఎంతో మంది మహనీయులు ప్రాణ త్యాగం చేశారు. వారి త్యాగపూరితమైన పోరాట ఫలితంగానే దేశానికి స్వాతంత్య్రం వచ్చింది. దేశంలో ప్ర‌జ‌లంద‌రూ కుల‌మ‌తాల‌కు అతీతంగా జ‌రుపుకునే ఏకైక పండుగ స్వాతంత్య్ర దినోత్స‌వం అని అన్నారు. అనంతరం పిల్లలు, విద్యార్థిని, విద్యార్థులకు స్వీట్స్, బిస్కెట్స్, చాక్లెట్, పుస్తకాలు, పెన్నులు, పంపిణీ చేశారు. ఈ కార్యక్రమంలో మాజీ సైనిక సంఘం నాయకులు,  సభ్యులు, ప్రతినిధులు, విద్యార్థిని, విద్యార్థులు తదితరులు పాల్గొన్నారు.