సినిమా, సంస్కృతి, సాహిత్యాల సమ్మేళనం ఆవ‌కాయ్‌..

విజయవాడ, నేటి పత్రిక ప్రజావార్త :
అమరావతోత్సవాల్లో భాగంగా చివ‌రిరోజు కృష్ణాతీరంలో ముగింపు కార్య‌క్ర‌మాలు క‌నువిందు చేశాయి. చౌరాస్తా వారిచే సంగీత ప్ర‌ద‌ర్శ‌న‌, న‌ట‌సార్వ‌భౌమ ఎన్‌టీఆర్‌: న‌ట‌నా విశ్వ‌రూపానికి నివాళి పేరుతో నిర్వ‌హించిన ప్ర‌త్యేక కార్య‌క్ర‌మం అల‌రించింది. మహానటుడు నందమూరి తారక రామారావు జీవితాన్ని, ఆయన నటనలో ప్రదర్శించిన విశ్వవ్యాప్త శైలిని స్మరించుకుంటూ నిర్వ‌హించిన ఈ కార్య‌క్ర‌మం ప్ర‌త్యేక‌త‌ను సంత‌రించుకుంది. ఎన్‌టీఆర్ గారి సినీ జీవితం, నటనలో ఆయన విశిష్ట‌త‌, ప్రత్యేక పాత్రలు, ఆయనతో సంబంధం ఉన్న సినీ ప్ర‌ముఖులు అనుభవాలు వివరించబ‌డ్డాయి. సినీ ప్రపంచంలో ఎన్‌టీఆర్ గారి ప్ర‌త్యేక స్థానం, నటనలో విశిష్టత, సాంస్కృతిక వారసత్వాన్ని ఈ సంద‌ర్భంగా స్మ‌రించుకోవ‌డం జ‌రిగింది. సింగర్ జావేద్ అలీ సంగీత కచేరి ప్రేక్ష‌కుల‌ను ఉర్రూత‌లూగించింది. ఒక మధురానుభూతుల సాయంత్రాన్ని అందించింది. జావేద్ అలీ గాత్రంలో ప్రతీ స్వరం హృదయాలను తాకింది. ఆయ‌న పాడిన పాట‌లు రసభరిత రాగాల సమ్మేళనంగా సాగింది