సబ్ జూనియర్ జూనియర్ బాల బాలికల జట్లను ఎంపిక…

విజయవాడ, నేటి పత్రిక ప్రజావార్త :
స్థానిక ఇందిరాగాంధీ మున్సిపల్ కార్పొరేషన్ స్టేడియంలో కృష్ణా జిల్లా సెపక్ తక్రా అసోసియేషన్ ఆధ్వర్యంలో సబ్ జూనియర్ జూనియర్ బాల బాలికల జట్లను ఎంపిక చేయనున్నట్లు జిల్లా కార్యదర్శి ఎం పవన్ కుమార్ మంగళవారం ఒక ప్రకటనలో తెలిపారు. ఈ పోటీల్లో ప్రతిభ కనబరిచిన క్రీడాకారులు ఈ నెల 7, 8 తేదీలలో ఉరవకొండ లో జరిగే రాష్ట్ర స్థాయి పోటీలలో జిల్లాకు ప్రాతినిధ్యం వహిస్తారన్నారు. సబ్ జూనియర్ విభాగంలో 1-1- 2007 తర్వాత పుట్టిన వారు మాత్రమే పోటీల్లో పాల్గొనేందుకు అర్హులనీ, 1-1-2003 తర్వాత పుట్టిన వారు జూనియర్ విభాగంలో పోటీల్లో పాల్గొనేందుకు అర్హులన్నారు. ఆసక్తి గల క్రీడాకారులు 2వ తేదీ ఉదయం 7 గంటలకు 4 పాస్ పోర్ట్ సైజు ఫోటోలు, ఆధార్ కార్డ్, డేట్ అఫ్ బర్త్ సర్టిఫికెట్ లతో సె లక్షన్స్ కు హాజరు కావాలన్నారు.