ఆర్యవైశ్య మహాసభ భవన నిర్మాణ శంకుస్థాపన…

-ఆర్యవైశ్య భవనం నిర్మాణం గురించి టీడీపీ చేసే దుష్ప్రచారం మానుకోవాలి- మాజీ మంత్రి వెల్లంపల్లి

విజయవాడ, నేటి పత్రిక ప్రజావార్త :
స్థానిక గాంధీనగర్ లో ఆంధ్రప్రదేశ్ ఆర్యవైశ్య మహా సభ అద్వ్యర్యంలో నిర్మించబోతున్నా భవనానికి ఆదివారం నాడు మాజీ మంత్రి పశ్చిమ నియోజకవర్గ శాసన సభ్యులు వెల్లంపల్లి శ్రీనివాసరావు శంకుస్థాపన చేశారు. ఈ సందర్భంగా వెల్లంపల్లి మాట్లాడుతూ గతంలో ఉమ్మడి రాష్ట్రంలో హైదరాబాద్ కేంద్రంగా ఆర్యవైశ్య భవనం వుండేది నేడు రాష్ట్రం విడిపోయాక ఆర్యవైశ్యలుకు భవనం లేదని నేడు ఆ భవన నిర్మాణనికి శంకుస్థాపన చేసుకోవడం జరుగుతుందన్నారు. ఈ భవనంలో ఇతర ప్రాంతాల నుండి వచ్చే ఆర్యవైశ్యలకు వుండాటనికి రూమ్స్,కళ్యాణ మండపం నిర్మాణం చేసుకోవడం జరుగుతుందన్నారు. ఈ భవనం నిర్మాణం విషయంలో కూడా తెలుగుదేశం పార్టీ నాయకులు రాజకీయం చేయడం సబబు కాదన్నారు. అసలు తెలుగుదేశం పార్టీ లో ఆర్యవైశ్యలు ఎవరు లేరన్నారు. ఈ రాష్ట్ర ప్రభుత్వం ఆర్యవైశ్యలకు పెద్దపీట వేస్తుందన్నారు. ఈ భవన నిర్మాణ విషయంలో రాష్ట్ర ప్రభుత్వం తరుపున అన్ని విధాల అండగా ఉంటామని తెలిపారు. ఈ కార్యక్రమంలో ఎమ్మెల్యే మద్దాల గిరి, మహా సభ అధ్యక్షులు ముక్కాల ద్వారకానాథ్, రేపాల శ్రీనివాసరావు, గుబ్బా చంద్ర శేఖర్, పెనుగొండ సుబ్బారాయుడు, గున్నంసెట్టి,కనకరాజు, నాగ బాబు,పోతుల సురేష్, కొనకళ్ల విద్యధరరావు, కొండపల్లి బుజ్జి మరియు తదితర ఆర్యవైశ్య నాయకులు కార్యకర్తలు పాల్గొన్నారు.