మన రోజువారీ జీవితంలో పోషకాహారం గొప్ప పాత్ర పోషిస్తుంది…

విజయవాడ, నేటి పత్రిక ప్రజా వార్త :
మన రోజువారీ జీవితంలో పోషకాహారం గొప్ప పాత్ర పోషిస్తుందని.. ఆహారం లేదా ద్రవాలు మన శరీరం మరియు ఆరోగ్యాన్ని ప్రభావితం చేస్తాయని, ఎందుకంటే ప్రతి ఆహారం లేదా ద్రవంలో మన శారీరక మరియు మానసిక ఎదుగుదలకు అవసరమైన నిర్దిష్ట పోషకాహారం ఉంటుందని ఆక్యుపంక్చర్ సైన్స్ ప్రాక్టిషనర్స్ అసోసియేషన్ ఆఫ్ ఇండియా [ఆస్పా ఇండియా] జాతీయ కార్యదర్శి డా. మాకాల సత్యనారాయణ పేర్కొన్నారు.
నిర్దిష్ట పోషకాహారం యొక్క నిర్దిష్ట స్థాయి మన శరీరానికి అవసరమని.. మనం ఏ ఆహారం తీసుకోవాలి, ఎంత మోతాదు అలాగే ఏ రకమైన పోషకాహారంలో నిర్దిష్టమైన పోషక విలువలు ఉన్నాయో ప్రతియొక్కరు తెలుసుకోవాలని అన్నారు.
పత్రికా సమాచార కార్యాలయం, విజయవాడలో జాతీయ పోషకాహార వారాన్ని పురస్కరించుకొని నిర్వహించిన ‘పోషకాహారం-యోగ శక్తి చికిత్స’ అంశం పై CGO కాంప్లెక్స్ ఉద్యోగుల కోసం నిర్వహించిన ఉచిత ఆరోగ్య సంరక్షణ శిబిరంలో ఆయన పాల్గొని మాట్లాడారు.
మన శరీరం కండరాలు మరియు బలమైన రోగనిరోధక శక్తిని నిర్మించడానికి ప్రోటీన్ సహాయపడుతుందని.. ప్రాథమికంగా ప్రోటీన్లు అమైనో ఆమ్లాల మేళవింపుతో రూపొందించబడ్డాయన్నారు. మన శరీరంలో 22 రకాల అమైనో ఆమ్లాలు ఉన్నాయని.. ప్రోటీన్ అనేది మన శరీరంలో పుష్కలంగా ఉండే పోషకాలు, కొత్త కణజాలాల నిర్మాణంలో ఎంతో దోహదం చేస్తాయని.. మన శరీరంలో దెబ్బతిన్న కణాలను బాగు చేస్తుందని వివరించారు. మన శరీరంలో వివిధ పాత్రలను పోషించే హార్మోన్లు మరియు ఎంజైమ్‌ల ఏర్పాటులో కూడా ఇది సహాయపడుతుందని చెప్పారు.
ప్రాణశక్తి చికిత్సతో సంపూర్ణ ఆరోగ్యం సాధ్యమేనని పేర్కొన్న ప్రాణశక్తి సాధన సమితి చైర్మన్ డాక్టర్ మాకల సత్యనారాయణ ఉచిత ప్రాణ శక్తి చికిత్స శిబిరాన్ని నిర్వహించి ఉద్యోగులకు ఈ సందర్భంగా అవగాహన కల్పించారు. రోజువారీ జీవితంలో మనం తీసుకునే ఆహారాలు లేదా ద్రవాల గురించి మరింత అవగాహన కలిగి ఉండటం చాలా ముఖ్యమని.. తప్పుడు ఆహారం వల్ల మాత్రమే పెద్ద సంఖ్యలో వ్యాధులు వస్తాయని అన్నారు. మనలో శక్తి తగ్గిన, ఒక అవయవానికి గాని విభాగానికి శక్తి అందక పోయినా మరియు మనలోని వేడి,చలువ తత్వాల లో తారతమ్యాల కారణంగా అనారోగ్యం వస్తుందని, దీనిని శక్తి విధానాలైన ఆక్యుపంక్చర్,రిఫ్లెక్సాలజీ, ఫ్రీక్వెన్సీ తెరపీ లను ఉపయోగించి సంపూర్ణ ఆరోగ్యవంతులు చేయవచ్చునని తెలిపారు. దీని మూలముగా పేద ప్రజలకు ఆరోగ్యం అందుబాటులోకి వస్తుందని, దీర్ఘకాల వ్యాధులను తగించటం మరియు అరికట్టడం సాధ్యం అవతుందని తెలిపారు.
CGO కాంప్లెక్స్ ఉద్యోగులు పెద్ద సంఖ్యలో ఈ కార్యక్రమములో పాల్గొని చికిత్సలు, సలహాలు పొందారు. ఆక్యుపంక్చర్ తెరఫిస్ట్లు షేక్ మీరా, రూప, ప్రభావతి, అశ్రఫున్నీసా, తౌషిఫ్, చెన్నరావు పాల్గొని సేవలు అందించారు.