‘మన్ కీ బాత్’ చారిత్రాత్మక 100వ ఎపిసోడ్‌లో ప్రసంగించిన ప్రధాని

-విజయవాడలోని రాజ్ భవన్ లో “మన్ కీ బాత్” వందో కార్యక్రమంలో ప్రసంగించిన ఆంధ్ర ప్రదేశ్ రాష్ట్ర గవర్నర్ ఎస్. అబ్దుల్ నజీర్
-పద్మ అవార్డు గ్రహీతలు, పలువురు రాష్ట్ర ప్రముఖులు, వివిధ రంగాలలో విశిష్ట సేవలందించిన ఆహుతుల సమక్షంలో తన మునుపటి ‘మన్ కీ బాత్’ కార్యక్రమాల్లో పాల్గొన్నవారిని తన ప్రసంగంలో ప్రత్యేకంగా ప్రస్తావించిన ప్రధాన మంత్రి నరేంద్ర మోదీ
*
విజయవాడ, నేటి పత్రిక ప్రజావార్త :
దేశవ్యాప్తంగా అనేక రాష్ట్రాల రాజ్‌భవన్‌లలో ‘మన్‌ కీ బాత్‌’ చారిత్రాత్మక 100వ ఎపిసోడ్‌ ప్రసారం సందర్భంగా ఈ ఆదివారం ప్రత్యేక ప్రదర్శన కోసం విస్తృత ఏర్పాట్లు చేశారు. ఆంధ్రప్రదేశ్‌ గవర్నర్ అబ్దుల్ నజీర్ విజయవాడ లోని రాజ్ భవన్‌లో కార్యక్రమానికి అధ్యక్షత వహించారు, పద్మ అవార్డు గ్రహీతలు, సంస్కృతి, వారసత్వ పరిరక్షకులతో పాటు పలు ఆవిష్కరణలను చేసిన, మన్ కీ బాత్ మునుపటి ఎపిసోడ్‌లలో పాల్గొన్న వారి గురించి స్ఫూర్తిదాయకమైన కథనాలను ప్రధాని ఆహుతుల సమక్షంలో ప్రత్యేకంగా పంచుకున్నారు. ఆల్ ఇండియా రేడియో ద్వారా, ప్రధానమంత్రి మన్ కీ బాత్ కార్యక్రమం సామాజిక-ఆర్థిక, సాంస్కృతికంగా విభిన్నమైన జనాభాను చేరుకోవడమే కాకుండా, సామాజిక, సాంస్కృతిక, ఆర్థిక విషయాలపై సమాజానికి స్ఫూర్తిని, శక్తినీ అందించారు. నేడు ప్రపంచం ఎదుర్కొంటున్న వాతావరణ సంక్షోభం, వ్యర్థాల నిర్వహణ, ఇంధన సంక్షోభం వంటి సవాలు సమస్యలను పరిష్కరించడానికి అనుకూల వేదికైంది. గవర్నర్ మాట్లాడుతూ,  ప్రధాన మంత్రి తన ‘మన్ కీ బాత్’ కార్యక్రమం ద్వారా ప్రజలతో విజయవంతంగా విశ్వాస ఆధారిత సంబంధాన్ని ఏర్పరచుకోగలిగారనీ, ఆయన వారితో నేరుగా సంభాషిస్తున్నట్లు, సలహాలు ఇస్తున్నట్లు లేదా స్ఫూర్తి దాయక అనుభూతిని పొందారని అన్నారు. ఈ కార్యక్రామాన్ని ఆదర్శప్రాయమైన చర్య గా వారు అభివర్ణించారు. ‘మన్ కీ బాత్’ కార్యక్రమ సంచికలు, భాగాలు, నిజ జీవిత కథలు, అనుభవాల ద్వారా నిజమైన భారతదేశాన్ని ప్రతిబింబించే సందర్భాలని గవర్నర్ అన్నారు. ‘మన్ కీ బాత్’ ప్రతి భాగం విస్తృత ప్రజాదరణ తో పాటు, కార్యక్రమం ప్రసారమైన ప్రతిసారీ వేల స్పందనలను అందుకుంటుందని వివరించారు.

11 విదేశీ భాషలతో సహా 52 భాషలు, మాండలికాలలో మన్ కీ బాత్ అనువాదం, ప్రసారాన్ని చేపట్టి, దేశంలోని మారుమూల ప్రాంతాలకు అందించడంతోపాటు భారతీయ ప్రవాసులకు కూడా ఏకకాలంలో ప్రసారం చేయడం కోసం ప్రసార భారతి చేస్తున్న కృషిని ఆయన అభినందించారు. దూరదర్శన్ ప్రసార వ్యవస్థలోని 34 ఛానెల్‌లు, వందకి పైగా ప్రైవేట్ శాటిలైట్ టీవీ ఛానెల్‌లు ఈ వినూత్న కార్యక్రమాన్ని దేశవ్యాప్తంగా ప్రసారం చేసేందుకు ముందుకు వచ్చాయి.

గత ఎనిమిదేళ్లలో 99 ఎపిసోడ్‌ల విజయవంతమైన పరంపరలో, మన్ కీ బాత్ కార్యక్రమం ముఖ్యమైన సమస్యలపై అవగాహన కల్పించడమే కాకుండా సామాజిక, జాతీయ కారణాలపై సరైన దిశల్లో చర్యలు తీసుకునేలా ప్రభుత్వాన్ని ప్రేరేపించడానికి ప్రయత్నించిందని గవర్నర్ పేర్కొన్నారు. స్వచ్ఛ్ భారత్ అభియాన్, బేటీ బచావో – బేటీ పఢావో, కోవిడ్-19 టీకా, హర్ ఘర్ తిరంగ ప్రజల నుండి అద్భుతమైన స్పందనను పొందిన మన్ కీ బాత్ ఎపిసోడ్‌లకు కొన్ని ఉత్తమ ఉదాహరణలు.

గ‌వ‌ర్న‌ర్ మాట్లాడుతూ, “ఈ ప్రత్యేక సంద‌ర్భంగా ‘మ‌న్ కీ బాత్’ 100వ ఎపిసోడ్ మైలురాయిని పురస్కరించుకుని,  ప్రధాన మంత్రి న‌రేంద్ర మోదీ ప్రస్తావించిన ఆంధ్రప్రదేశ్ విశిష్ట పౌరులతో పాటు, రాష్ట్రానికి చెందిన ఇతర ప్రముఖులతో పాటు ఆయన ‘మన్ కీ బాత్’ మునుపటి సంచికలలో పాల్గొన్న వారినీ పలుకరించారు. సమాజానికి వారు చేసిన విశిష్ట సహకారం గుర్తింపు పొందినందున అందరినీ కలుసుకోవడం, ప్రత్యేక సందర్భంలో వారితో సంభాషించడం గౌరవంగా, ప్రత్యేకతగా భావిస్తున్నానని అన్నారు. అత్యున్నత స్థాయిలో, ఈ కార్యక్రమం ఆంధ్రప్రదేశ్ రాష్ట్రానికి ఎన్నో అవార్డులను తెచ్చిపెట్టింది.

అంతకుముందు, విశాఖపట్నానికి చెందిన సి.వి. రాజు, తన గ్రామంలో బాగా ప్రాచుర్యం పొందిన ఏటి-కొప్పాక బొమ్మలఘనతను వ్యాప్తి చేసినందుకు ప్రధానికి ధన్యవాదాలు తెలిపారు. చెక్కతో చేసిన ఈ బొమ్మల ప్రత్యేకత ఏమిటంటే, వాటికి ఎక్కడా కోణాలు, మూలలు ఉండవని అన్నారు. ఈ బొమ్మలు అన్ని వైపుల నుండి గుండ్రంగా ఉన్నాయి కాబట్టి పిల్లలకు గాయాలు అయ్యే అవకాశం లేదు. C. V. రాజు ఇప్పుడు తన గ్రామంలోని కళాకారులతో కలిసి ఏటికొప్పాక బొమ్మల కోసం ఒక విధమైన కొత్త ఉద్యమాన్ని ప్రారంభించారు.

ఆటోమొబైల్ మెటల్ స్క్రాప్‌తో శిల్పాలను రూపొందించడం ద్వారా చాలా ఆసక్తికరమైన పనులు చేస్తున్న విజయవాడకు చెందిన ప్రొఫెసర్ శ్రీనివాస్ పడకండ్ర తన పనికి గౌరవప్రదమైన ప్రధాన మంత్రి శ్రీ నరేంద్ర మోడీ గారి గుర్తింపు లభించినందుకు చాలా సంతోషించారు. ఆయన రూపొందించిన భారీ శిల్పాలను పబ్లిక్ పార్కుల్లో ఏర్పాటు చేసి ప్రజలు ఎంతో ఉత్సాహంతో వీక్షిస్తున్నారు. ఎలక్ట్రానిక్, ఆటోమొబైల్ వేస్ట్ రీసైక్లింగ్‌తో ఇది వినూత్న ప్రయోగం అని ఆయన పేర్కొన్నారు. ప్రధాని తన మన్ కీ బాత్ కార్యక్రమంలో ప్రస్తావించడంతో తన పనికి విస్తృత గుర్తింపు వచ్చిందని, తెలంగాణ, కేరళ సహా ఇతర రాష్ట్రాల నుంచి తనకు ఈ సందర్భంగా సంప్రదింపులు, స్పందన వస్తున్నాయని చెప్పారు.

నా ప్రియమైన దేశప్రజలారా అని సంభోదిస్తూ , మనస్ఫూర్తిగా ఎదగడం ద్వారా సమాజానికి సేవ చేయాలనే మంత్రం మన విలువలు, మన సంస్కారం శ్రీ రాంభూపాల్ రెడ్డి వల్లే మన దేశంలో ఎనలేనంత మంది ఈ మంత్రాన్ని తమ జీవిత లక్ష్యంగా చేసుకుంటున్నారని అన్నారు.

మన్ కీ బాత్ మునుపటి ఎపిసోడ్‌లలో ఆంధ్రప్రదేశ్‌లోని మార్కాపురంకు చెందిన రామ్ భూపాల్ రెడ్డి గురించి ప్రధాని ఇంతకుముందు భాగాలలో ప్రస్తావించారు, తన పదవీ విరమణ తర్వాత సంపాదన మొత్తాన్ని పేద కుమార్తెల చదువు కోసం విరాళంగా ఇవ్వడం ప్రధానిని ఆశ్చర్యపరిచింది. ఆయన ‘సుకన్య సమృద్ధి యోజన’ కింద తన పొరుగున ఉన్న దాదాపు 100 మంది అమ్మాయిలకు ఖాతాలు తెరిచారు, దానిలో 25 లక్షలకు పైగా వారికి చేయ్ప్ప్త ఇవ్వడం కోసం డిపాజిట్ చేశారు.
చిరుధాన్యాల కోసం మంచి జీతం వచ్చే ఉద్యోగాన్ని వదిలిపెట్టిన ఆంధ్రప్రదేశ్‌లోని నంద్యాల జిల్లాకు చెందిన కేవీ రామ సుబ్బారెడ్డిని మన్ కీ బాత్‌లో ప్రధాని మోదీ ప్రస్తావించారు. ‘మిల్లెట్ మ్యాన్ ఆఫ్ ఇండియా’గా ప్రసిద్ధి చెందిన సుబ్బారెడ్డి ప్రజలకు కృతజ్ఞతలు తెలుపుతూ, మిల్లెట్ యొక్క ప్రయోజనాలను ప్రజలకు వివరించి, తక్కువ నీరు మరియు క్రిమిసంహారక మందులతో సులభంగా అందుబాటులో పొందవచ్చని అన్నారు. 2023 సంవత్సరాన్ని మిల్లెట్స్ సంవత్సరంగా ఐక్య రాజ్య సమితి గుర్తించింది.

ఆంధ్రప్రదేశ్‌కు చెందిన సాఫ్ట్‌ వేర్ ప్రొఫెషనల్  సాయి ప్రణీత్, వాతావరణ మార్పులను ఎదుర్కోవడంలో రైతులకు సహాయం చేయడం ద్వారా వాతావరణ పరిస్థితులను అంచనా వేయడం ద్వారా రైతులకు ఆయన చేసిన అద్భుతమైన సేవల కోసం ప్రధాని నరేంద్ర మోదీ మన్ కీ బాత్‌లో ప్రస్తావనార్హమైన చోటు సంపాదించారు. కొన్నాళ్లుగా వారికి వాతావరణ శాస్త్రంపై ఆసక్తి ఉండేది. కాబట్టి, అతను తన ఆసక్తిని, ప్రతిభను రైతుల సంక్షేమం కోసం ఉపయోగించాలని నిర్ణయించుకున్నారు , అవసరమైన సమాచారాన్ని స్థానిక భాషలో వివిధ మాధ్యమాల ద్వారా అందించారు. తన కృషిలో భాగంగా వాతావరణ నవీకరణలతో పాటు, ఆయన వివిధ వాతావరణ పరిస్థితులలో అనుసరించాల్సిన సూచనలను అందజేస్తారు. ముఖ్యంగా వరదల నుండి ఎలా సురక్షితంగా ఉండాలి లేదా తుఫాను లేదా పిడుగులను ఎలా నివారించాలి వాటి మీద అవగాహన కలిగిస్తున్నారు.

ఈ ప్రత్యేక కార్యక్రమంలో ప్రసంగిస్తూ గవర్నర్, ‘మన్ కీ బాత్’ కార్యక్రమం దాని అంశం, రూపకల్పన, పరస్పర ప్రభావం, ప్రజలతోనూ మొత్తం సమాజంతోనూ సమాచార వినిమయం చేసే వినూత్న మార్గంలో ఈ కార్యక్రమం చాల ప్రత్యేకమైనదని అన్నారు.