నిడదవోలు అసెంబ్లీ నియోజక వర్గానికి తొలి రోజున ఒక నామినేషన్ దాఖలు

నిడదవోలు, నేటి పత్రిక ప్రజావార్త :
నిడదవోలు అసెంబ్లీ నియోజక వర్గానికి తొలి రోజున ఒక అభ్యర్ధి ఒక నామినేషన్ దాఖలు చెయ్యడం జరిగిందనీ నిడదవోలు నియోజక వర్గ రిటర్నింగ్ అధికారి/ స్పెషల్ డిప్యూటీ కలెక్టర్ ఆర్ వి రమణ నాయక్ గురువారం ఒక ప్రకటనలో తెలియ చేశారు. వైయస్ఆర్ సీపీ తరపున గెడ్డం శ్రీనివాస నాయుడు సన్ ఆఫ్ గెడ్డం ఒక సెట్టు నామినషన్ పత్రాలు , వైయస్ఆర్ సీపీ తరపున తలారి పరం జ్యోతి సన్ ఆఫ్ సూర్య చంద్ర రావు ఒక సెట్టు నామినేషన్ పత్రాలు దాఖలు చెయ్యడం జరిగిందనీ తెలియ చేశారు. ఏప్రియల్ 25 వ తేదీ వరకు ప్రతి రోజు (ఏప్రియల్ 21 ఆదివారం మినహా) ఉదయం 11 గంటల నుంచి మ.3 వరకూ మాత్రమే నామినేషన్లు నిడదవోలు గ్రామ కచేరీలో ఏర్పాటు చేసిన రిటర్నింగ్ అధికారి కార్యాలయంలో స్వీకరించడం జరుగుతుంది అని పేర్కొన్నారు.