ఆరోగ్యశ్రీ నెట్‌వర్క్ ప్రైవేట్ ఆసుపత్రుల మేనేజింగ్ డైరెక్టర్‌లతో సమావేశం

తిరుపతి, నేటి పత్రిక ప్రజావార్త :
ఆరోగ్యశ్రీ పథకం కింద క్లెయిమ్‌ల జాప్యంపై నెట్‌వర్క్ ఆసుపత్రుల ఆందోళనకు సంబంధించి కింది విధంగా తిరుపతి జిల్లా కలెక్టర్ అధ్యక్షతన ఆరోగ్యశ్రీ నెట్‌వర్క్ ప్రైవేట్ ఆసుపత్రుల మేనేజింగ్ డైరెక్టర్‌లతో నిర్వహించిన సమావేశం ఈ క్రింది అంశాలపై చర్చించింది:

1. ఆరోగ్యశ్రీ నెట్‌వర్క్ ఆసుపత్రులకు ప్రభుత్వం కొంత మొత్తంలో క్లెయిమ్‌లను విడుదల చేసింది.
2. ఆరోగ్యశ్రీ నెట్‌వర్క్ ఆసుపత్రులు పథకం కింద ఆరోగ్య సేవలను నిలిపివేస్తే లబ్ధిదారులు ప్రభావితమవుతారు.
3. పెండింగ్‌లో ఉన్న క్లెయిమ్‌ల విడుదలకు సంబంధించి ప్రిన్సిపల్ సెక్రటరీ ఆఫ్ హెల్త్‌తో చర్చలు కొనసాగుతున్నాయి మరియు ఈ నిధులను విడుదల చేయడానికి ప్రణాళికలు జరుగుతున్నాయి.
4. ఎన్నికల కోడ్‌ను పరిగణనలోకి తీసుకుని, ఆసుపత్రులు ఆరోగ్య శ్రీ సేవలను కొనసాగించాలని అభ్యర్థించారు.

క్లెయిమ్ మొత్తంలో 50% విడుదల చేయవలసిన అవసరాన్ని ఆరోగ్య శాఖ ప్రిన్సిపల్ సెక్రటరీకి తెలియజేయాలని ఆసుపత్రుల యాజమాన్యం గౌరవనీయలైన కలెక్టర్‌ గారిని అభ్యర్థించారు.

ఈ అభ్యర్థనను హెల్త్-ప్రిన్సిపల్ సెక్రటరీకి తెలియజేస్తానని నెట్‌వర్క్ హాస్పిటల్స్ ఎండీలకు కలెక్టర్ తెలియజేశారు.

ఈ కార్యక్రమంలో జిల్లా సమన్వయ అధికారి డా. రాజశేఖర్ రెడ్డి, జిల్లా మేనేజర్ శివకుమార్, సంకల్ప హాస్పిటల్ అధినేత డా. నాగ రాజు డా. అనంత నాగ్, వెంకటరమణ హార్ట్ హాస్పిటల్ యజమాని డా.వెంకట రమణ, సాయి సుధా హాస్పిటల్ యజమాని డా. సుధా రాణి, స్నేహ హాస్పిటల్ యజమాని డా .ఓ.రమేష్, రష్ హాస్పిటల్ డా. శివ కుమార్, అమర హాస్పిటల్ సీఈవో వేణుగోపాల్, రమాదేవి హాస్పిటల్ సీఈవో చక్రధర్ తదితరులు పాల్గొన్నారు.