గొల్లపూడి పార్సెల్ హబ్ నందు యోగా దినోత్సవం

విజ‌య‌వాడ‌, నేటి పత్రిక ప్రజావార్త :
10వ అంతర్జాతీయ యోగా దినోత్సవ సందర్భంగా గొల్లపూడి పార్సెల్ హబ్ నందు విజయవాడ ఆర్ ఎం ఎస్ సిబ్బంది యోగా చేయడం జరిగింది. ఈ కార్యక్రమనికి ముఖ్య అతిధి గా డివిజన్ సూపరింటెండెంట్ జి.వి.బాల సరస్వతి పాల్గొని ఉద్యోగులు తమ ఒత్తిడిని జయించాలంటే యోగా చేయడం చాలా మంచిదని తెలియజేశారు. యోగా తో పాటుగా మంచి ఆహారపు అలవాట్లు కూడా కలిగి ఉండాలని , తద్వారా ఆరోగ్యాన్ని మెరుగుపరుచుకునే అవకాశం ఉన్నదని తెలిపారు. బాలాజీ మరియు పద్మావతి గార్లు వివిధ యోగసనాలు సిబ్బందికి నేర్పి వాటివల్ల మన శరీరానికి కలిగే ప్రయోజనాలు వివరించారు. ఈ కార్యక్రమంలో అసిస్టెంట్ సూపరింటెండెంట్ అహ్మద్ అలీ, హెడ్ రికార్డు ఆఫీసర్ ప్రసాద్ మరియు ఆర్ ఎం ఎస్ వై డివిజన్ సిబ్బంది పాల్గొన్నారు.