అన్న క్యాంటీల్లో శని, ఆదివారాలలో ఆహారం అందుబాటులో ఉండదు…

గుంటూరు, నేటి పత్రిక ప్రజావార్త :
ఈ నెల 7, 8 తేదీల్లో బక్రీద్ పండుగ, ఆదివారం వరుసగా వచ్చినందున, సెంట్రల్ వంటశాలను శుభ్ర పరచడం, సర్వీసింగ్ కోసం రాష్ట్ర వ్యాప్తంగా 2 రోజులు అన్నా క్యాంటీన్లను మూసివేస్తున్నారని, తిరిగి సోమవారం క్యాంటీన్లు యధావిధిగా అందుబాటులో ఉంటాయని అక్షయ పాత్ర ప్రతినిధులు తెలిపారని నగర కమిషనర్ పులి శ్రీనివాసులు ఐఏఎస్ శుక్రవారం ఒక ప్రకటనలో తెలిపారు. ఈ సందర్భంగా కమిషనర్ మాట్లాడుతూ అక్షయ పాత్ర సెంట్రల్ వంటశాలను శుభ్ర పరచడం, సర్వీసింగ్ చేస్తున్నందున గుంటూరు నగరంలో 7 అన్న క్యాంటీల్లో శని, ఆదివారాలలో ఆహారం అందుబాటులో ఉండదన్నారు. కనుక నగర ప్రజలు గమనించాలని, సోమవారం నుండి యధావిధిగా పని చేస్తాయని తెలిపారు.