సర్కిల్ -2 పరిధిలో ప్రజల సౌకర్యార్థం 4 అదనపు ఆస్తిపన్ను చెల్లింపు కేంద్రాల ఏర్పాటు

విజయవాడ, నేటి పత్రిక ప్రజావార్త :
విజయవాడ సెంట్రల్ నియోజకవర్గంలో ఆస్తిపన్ను చెల్లింపులకు సంబంధించి అదనంగా నాలుగు కేంద్రాలను ఏర్పాటు చేయడం జరిగిందని ఎమ్మెల్యే మల్లాది విష్ణు కార్యాలయం శనివారం ఒక ప్రకటన విడుదల చేసింది. సర్కిల్ – 2 కు సంబంధించి ప్రస్తుతం ఒక్క సత్యనారాయణపురం కేంద్రంగా చెల్లింపులు జరుగుతుండగా.. ప్రజల సౌకర్యార్థం మే 2 వ తారీఖు నుంచి మరో 4 కేంద్రాలను ఏర్పాటు చేయడమైనది. పాయకపురంలోని వార్డు సచివాలయం నెం.269., అజిత్ సింగ్ నగర్లోని వార్డు సచివాలయం నెం. 259., గవర్నర్ పేటలోని వీహెచ్ఆర్ కాంప్లెక్స్ లోని 98వ వార్డు సచివాలయం., మధురానగర్ లోని వార్డు సచివాలయం నెం.210లో కొత్తగా సేవలను అందుబాటులోకి తీసుకురావడం జరిగింది. కావున నగర ప్రజలందరూ ఈ అవకాశాలను సద్వినియోగపరుచుకోవలసిందిగా కోరడమైనది.